كالاچي مەن كراسنوگورسكىدەن  138 وتباسى كوشىرىلدى. بۇل تۋرالى بۇگىن ق ر پرەزيدەنتى جانىنداعى وكق-دەگى بريفينگتە اقمولا وبلىسىنىڭ اكىمى سەرگەي كۋلاگين ءمالىم ەتتى.

ونىڭ ايتۋىنشا،  ەسىل اۋدانىنىڭ كالاچي اۋىلى مەن كراسنوگورسك كەنتىنەن قولايسىز ەكولوگيالىق جاعدايعا بايلانىستى مەملەكەت تاراپىنان اتالعان اۋىلداردىڭ تۇرعىندارىن وبلىستىڭ وزگە  وڭىرلەرىنە كوشىرۋ تۋرالى شەشىمگە قولداۋ كورسەتىلدى.

«قازىرگى ۋاقىتتا، رەسپۋبليكالىق بيۋدجەت قاراجاتىنىڭ ەسەبىنەن 2 ءۇي، اتاپ ايتقاندا: ەسىل ق. 45 پاتەرلى تۇرعىن ءۇي جانە دەرجاۆينسك ق. 75 پاتەرلى تۇرعىن ءۇي سالىندى»، - دەدى ءوڭىر باسشىسى.  

سونىمەن قاتار اكىمنىڭ ايتۋىنشا، ەسىل قالاسىندا 73 پاتەرلى تۇرعىن ءۇيدىڭ قۇرىلىسىن اياقتاۋ اعىمداعى جىلدىڭ جەلتوقسان ايىنا جوسپارلانعان.

«بۇگىنگى كۇنى، اتالعان ەلدى مەكەندەردەن 138 وتباسى كوشىرىلدى. جۇمىس جالعاستىرىلۋدا»، - دەدى س.كۋلاگين.