الماتى اۆتوبۋستارىنا ورناتىلىپ جاتقان «وڭاي» ەلەكتروندى بيلەتتەندىرۋ جۇيەسى قازاق تىلىندە اقپارات بەرە باستادى. بۇل تۋرالى «قامشى» پورتالى «الماتى كولىك حولدينگى» جشس-نىڭ باسپا ءسوز قىزمەتىنە سىلتەمە جاساپ حابارلايدى.
«وڭاي» جۇيەسى قۇرىلعىلارى ەكرانىنداعى مالىمەتتەر ەندى قازاق جانە ورىس تىلىندە ورنالاستىرىلۋدا. ازىرگە، «جول اقىسىن تولەۋ ءۇشىن كارتانى سالىڭىز» جانە «كارتا جونىندەگى اقپارات» مالىمەتتەرى قازاق تىلىنە اۋدارىلعان. الداعى ۋاقىتتا، جۇيەنىڭ بارلىق ماتىندىك مالىمەتتەرى قازاق تىلىنە اۋدارىلادى» دەيدى كومپانيا باسپا ءسوز قىزمەتىندەگىلەر.
