پارلامەنت ءماجىلىسى تاراپ، جاقىندا سايلاۋ وتەدى دەگەن اقپارات ەل اراسىنجا جەلدەي ەسىپ ءجۇر. ءتىپتى، كەيبىر جارناما اگەنتتىكتەرى مەن PR-ورتالىقتار سايلاۋ كەزىندە كورسەتىلەتىن ۇگىت-ناسيحات قىزمەتىنىڭ باعالارىن دا جاريالاي باستادى.
جاقىندا دەپۋتاتتار سايلاۋ ماسەلەسىنە قاتىستى جۋرناليستەرگە پىكىر ءبىلدىرىپ، ءماجىلىستى تاراتۋ ماسەلەسىنىڭ بيلىكتىڭ جوعارى ساتىلارىندا ءسوز بولىپ وتىرماعانىن ايتقان.
«نۇر وتاندىق» دەپۋتات ماۋلەن اشىمبايەۆ كەزەكتەن تىس سايلاۋ قازىرگى ۋاقىتتا تالقىلانۋى ءتيىس باستى تاقىرىپ دەپ سانامايدى.
«ءماجىلىس، مەنىڭ ويىمشا، جامان جۇمىس ىستەپ جاتقان جوق. ءبىز ەكونوميكا، الەۋمەتىك سالا، بەس ينستيتۋسيونالدى رەفورما باعدارلاماسىنا قاتىستى ەلۋدەن استام زاڭ قابىلدادىق. وسى ماسەلەلەردى تالقىلاپ، وسى ماسەلەلەرگە نازار اۋدارۋ كەرەك. مەنىڭ جەكە پىكىرىم – سايلاۋ زاڭدا بەلگىلەنگەن مەزمىدە وتەدى» دەيدى ول.
كوممۋنيست-دەپۋتات ايقىن قوڭىروۆ تا سايلاۋ تۋرالى جوسپارلارىنىڭ جوقتىعىن، الايدا، ساياسي دوداعا كەز-كەلگەن ۋاقىتتا ءازىر ەكەندىكتەرىن ايتقان.
«ءماجىلىس تارايدى دەگەن اڭگىمە شاقىرىلىم باسىنان بەرى ايتىلىپ ءجۇر. ءماجىلىستىڭ ىشىندە وسى ماسەلەگە بايلانىستى سەبەپتەردى كورىپ وتىرعانىم جوق. كەلەر جىلعا، كەلەر جىلدىڭ ءبىرىنشى تقسانىنا ارنالعان جۇىس جوسپارى بار. سوندىقتان، جاڭا جىلدا ءماجىلىس تارايدى دەپ ويلامايمىن» دەيدى ايقىن قوڭىروۆ.
«اقجول» پارتياسىنىڭ سەركەسى ازات پەرۋاەشۆ سايلاۋدىڭ 2016 جىلى وتەتىنىن، ءبىراق، ناۋقان ناقتى قاي مەزگىلدە بولاتىنىن ايتا المايتىنىن جەتكىزدى.
«مەنىڭ ويىمشا، وسى ءماجىلىس وكىلەتتىگىنىڭ مەرزىمى اياقتالۋعا جاقىن. ءبىز 2012 جىلدىڭ باسىندا سايلاندىق. رەگلامەنت بويىنشا سايلاۋ كەلەر جىلى ءوتۋ كەرەك. ال، سايلاۋ جىل باسىنا، اياعىنا تۋرا كەلە مە – ول جاعىن ايتا المايمىن. بۇل زاڭمەن قاراستىرىلعان ماسەلە. مەن بۇدان ەشقانداي ەرەكشەلىك كورىپ تۇرعام جوق» دەيدى ازات پەرۋاشيەۆ.
