قاراشانىڭ وتىزىنشى جۇلدىزىندا 31 ارنادا «بايبىشە توقال» اتتى جاڭا ەلىكتىرەر فيلليپيندىق سەريالدىڭ تۇساۋكەسەرى وتەدى. بۇل جاي عانا ەرلى-زايىپتىنىڭ وپاسىزدىعى تۋرالى حيكايالاردىڭ قاتارىنا جاتپايدى. جامان نەمەسە جاقسى دەپ بولۋگە كەلمەيتىن ەرەكەشە كەيىپكەرلەر مەن قاراما-قايشى وقيعالارعا تولى سيۋجەت. 

تەلەحيكايانىڭ سيۋجەتى ادامداردىڭ شىنايى ءومىرى تۋرالى، ولاردىڭ ارا قاتىناستارىن باياندايدى. يۆونن ۆيكتور ەسىمدى كۇەيۋى مەن ماركۋس اتتى بالاسىن جاقسى كورەتىن قاراپايىم ءۇي شارۋاسىنداعى ايەل. ەرلى زايىپتى جۇپ باقىتتى، ءبىرىن ءبىرى ءسۇيىپ سىيلايتىن ۇلگىلى وتباسى.

الايدا، ۆيكتور ويدا جوقتا قولىنداعى شاعىن بيزنەسىن جوعالتىپ، دجانين ەسىمدى جاس كەلىنشەكتىن گۇل شارۋاشىلىعىندا جۇمىس ىستەۋگە ءماجبۇر بولادى. تاپسىرىستى ورىنداپ بولعان سوڭ، ۆيكتور ءدجانينننىڭ ودري اتتى كىشكەنتاي قىزىنىڭ تىنىس الا الماي جاتقانىن كورىپ، بالانى اۋراحاناعا جەتكىزىپ، ءومىرىن قۇتقارىپ قالادى. ودري ونى ءوزىنىڭ ەشقاشان كورمەگەن اكەسى دەپ ويلاپ قالادى. بالانىڭ جۇرەگىن جارالاماۋ ءۇشىن، دجانين ۆيكتورعا اقشا تولەپ، ودريدىڭ اكەسىنىڭ ءرولىن سومداۋدى وتىنەدى. كەلىسىمىن بەرگەن ۆيكتور، ءوز ءرولىن جاقسى ورىندايدى. ۋاقىت وتە كەلە، ونىڭ ءوز ايەلىنە دەگەن ماحابباتى سۋي باستايدى. كوپ ۇزاماي ۆيكتور دجانينعا عاشىق بولادى.

الدانعان يۆونن، ۆيكتوردى كەشىرە المايدى. ال ۆيكتور بولسا دجانينمەن قوسىلۋىن قالايدى. ەرلى-زايىپتىلار اجىراسۋعا كەلىسەدى دە، ۆيكتور دجانينگە ۋيلەنىپ، ال يۆونن اقىرىنداپ ءومىرىن قولعا الىپ، البەرت ەسىمدى جىگىتتى كەزدەستىرەدى.

ءبارى ورنىنا كەلىپ، ءبىزدىڭ كەيىپكەرلەر باقىتقا كەنەلەدى. يۆونن مەن البەرت جاڭا ءومىر باستايدى، ال دجانين مەن ۆيكتور بالا كۋتەدى. الايدا، ويلاماعان جەردەن، ۆيكتور جول اپاتىنا ءتۋسىپ، جادىنان ايىرىلادى. ناقتىلاپ ايتقاندا، ۆيكتور ءدجانيندى ەسىنە تۇسىرە المايدى. ونىڭ ەسىندە يۆونن ەكەۋى باقىتتى وتباسى بولعان كەزدەرى عانا قالعان...