الماتى قالاسىندا جۇرگىزۋشىلەردەن زاڭسىز تۇردە اقشا جينايتىن تۇراق قىزم ەتكەرلەرىن ۇستاۋ بويىنشا رەيد ءجۇردى، - دەپ حابارلايدى «قامشى» پورتالى Tengrinews.kz –كە سىلتەمە جاساپ.
"الماتى قالاسىندا كوك بازاردىڭ ماڭىندا اۆتوتۇراقتاردا زاڭسىز اقشا جيناۋ دەرەگىن انىقتاۋ بويىنشا رەيد جۇرگىزىلدى. دەرەكتەردى انىقتاۋدا قالا كوشەلەرىندەگى تۇراق قىزمەتكەرلەرى اقشا جيناعان جاعدايدا 109 ءبىرىڭعاي نومەرىنە حابارلاسۋ كەرەك"، - دەلىنگەن اكىمدىكتىڭ Instagram جەلىسىندەگى رەسمي پاراقشاسىندا.
ەسكە سالايىق، 20 قازاندا الماتىنىڭ كولىك تۇراعى ينفراقۇرىلىمىن دامىتۋ ماسەلەسىنە قاتىستى وتكەن جيىندا 1 قاراشادان باستاپ تروتۋارلىق تيپتەگى اۆتوتۇراقتارعا اقىنىڭ تولەنبەيتىندىگى جازىلعان ەدى. سالىق تولەۋ كەزىندە زاڭبۇزۋشىلىقتاردىڭ كوپتەپ بولۋىمەن جانە كەلىسىمشارتتاعى مىندەتتەردىڭ ورىندالماۋىنان وسىنداي شەشىم قابىلدانعان.
"بۇل تىيىمدار ساۋدا ورىندارىنداعى، ويىن-ساۋىق ورتالىقتارى مەن اۋەجاي، ۆوكزال جانە باسقا دا جەر تەلىمدەرىندە ورنالاسقان اۆتۇراقتارعا قويىلىپ وتىر. تىيىم سالۋ 2016 جىلى الماتى قالاسىنداعى اقىلى اۆتوتۇراقتار جۇيەسى ەنگىزىلگەنگە دەيىن قولدانىلاتىن بولادى"، - دەپ جازىلعان حابارلامادا.
پىكىر قالدىرۋ