رەسەي ءانشىسى اللا پۋگاچيەۆا ۆلاديمير ءپۋتيندى ءوز ءداۋىرىنىڭ پرەزيدەنتى دەپ سانامايدى. بۇل تۋرالى «قامشى» پورتالى «نوۆايا گازەتاعا» سىلتەمە جاساپ حابارلايدى.

سونداي-اق، ءانشى گازەتكە ءقازىر ساحناعا شىعۋعا قاتتى قۇمارلىعىنىڭ جوقتىعىن، اندا-ساندا كوڭىلىنە ۇناعان اندەردى جازدىرىپ، شىرقايتىنىن ايتقان.

-جاقىندا «سوعىس» ءانىن جازدىرتىپ، ورىندادىم. ونى كەيىن دمتريي ياروش ءبولىسىپ جۇرگەنىن كوردىم، - دەيدى ءانشى.

پۋگاچيەۆا سسونىمەن قاتار، ساحناعا كوپ شىقپاۋىنىڭ ءبىر سەبەبى رەسەي پرەزيدەنتى ۆ.پۋتين ەكەنىن دە ايتقان.

«ءپۋتيندى ءوز ءداۋىرىڭنىڭ قايراتكەرى سانايسىڭ با؟» دەگەن ساۋالعا:

-جوق، ءقازىر مەنىڭ ءداۋىرىم ەمەس. مەن ساحنادان ول تۋرالى بۇلاي ايتىلماۋى ءۇشىن كەتكەن بولۋىم دا مۇمكىن، - دەگەن.

بۇعان دەيىن سوچيدە وتكەن «نوۆايا ۆولنا» بايقاۋىنا قوناق رەتىندە قاتىسقان ا. پۋگاچيەۆا 1984 جىلى جازىلعان «سۆياتايا لوج» ءانىن ورىنداپ جۇرتتى تاڭ قالدىرعان بولاتىن.

«قامشى» سىلتەيدى