رەجيسسەر قانات بەيسەكەيەۆتىڭ اقش-تاعى قازاقستاندىق جۇك كولىگىن جۇرگىزۋشىلەر تۋرالى «Truckdriver» ءفيلمىن ءتورت كۇن ىشىندە عالامتوردا 93 000 ادام تاماشالاعان. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

«ءتورت كۇن ىشىندە اقش-تاعى قازاقستاندىق جۇك كولىگىن جۇرگىزۋشىلەر تۋرالى "Truckdriver" ءفيلمىن youtube جەلىسىندە 53 000 ادام تاماشالاعان. ال Facebook-تا 40 000 رەت قارالعان. مەن مۇنى كۇتپەپ ەدىم، بارىڭىزگە راحمەت! سىزدەر كوبىرەك جۇمىس جاساۋعا ىنتالاندىراسىزدار. ءفيلمنىڭ كەيىپكەرلەرىنە ايتقان جىلى سوزدەرىڭىزدىڭ ولار ءۇشىن ماڭىزى زور»، دەپ جازادى ينستاگرامدا ءفيلمنىڭ اۆتورى ءارى رەجيسسەرى قانات بەيسەكەيەۆ (@beisekeyev).
كەشتەردىڭ بىرىندە نيۋ-يوركتەگى باردا قاناتقا تانىس كولىك جۇرگىزۋشىسى نۇرلان ءوزىنىڭ الداعى ساپارى تۋرالى ايتىپ بەرگەن. كەلەسى كۇنى تاڭەرتەڭ قانات ونىڭ كولىگىنە وتىرىپ، ەكى اپتا ىشىندە اقش-تىڭ بارلىق شتاتتارىن ارالاپ شىققان. 

نۇرلان امەريكاعا بۇدان جەتى جىل بۇرىن كوشىپ بارعان. ءوز وتاندارىنان جىراقتا جۇرسە دە، ولاردىڭ تۋعان ەلگە دە سۇيىسپەنشىلىكتەرى جوعارى. 
فيلمگە نۇرلان قوجاحمەتوۆ، نۇربەك حاسەن، باۋىرجان ءجۇنىسوۆ، رۇستەم قاجكەنوۆ، ءاليحان جاڭبىربايەۆ، ارتۋر ماردانوۆ تۇسكەن. اۋدارماسىن دانيار جانە ساندۋعاش سۇندەتبايەۆتار جاساعان.