«2017 جىلى الماتىدا وتەتىن قىسقى ۋنيۆەرسيادا ويىندارىن 80 ەلدەن 1 ميلليارد حالىق تاماشالايدى». بۇل تۋرالى الماتىدا ۋنيۆەرسياداعا دايىندىق اياسىندا وتكىزىلگەن وتاندىق تاۋار وندىرۋشىلەرمەن ىنتىماقتاستىق فورۋمىندا الماتى قالاسىنىڭ حالىقارالىق سپورتتىق جوبالار ديرەكسياسىنىڭ ديرەكتورى اسەت ابدۋالييەۆ مالىمدەدى. بۇل تۋرالى «قامشى» پورتالى حابارلايدى.

ونىڭ cوزىنشە، ۋنيۆەرسيادا سياقتى ءىرى دودانىڭ تەلەاۋديتورياسى ۇنەمى اۋقىمدى بولعان. «الماتىداعى ستۋدەنتتەردىڭ قىسقى ۋنيۆەرسياداسى الەم جۇرتشىلىعى تاعاتسىزدانا كۇتىپ وتىرعان سپورت شارالارىنىڭ ءبىرى. سوندىقتان الەمگە تانىمال تەلەارنالار جارىستان تىكەلەي ترانسلياسيالار جاساپ، 80 ەلگە تاراتپاق. ءبىزدىڭ ەسەبىمىزشە الەمنىڭ 1 ميلليارد حالقى الماتىداعى دودانى تاماشالايدى»،-دەدى اسەت ابدۋالييەۆ.

الماتىداعى قىسقى ۋنيۆەرسيادا 2017 جىلدىڭ 29 قاڭتارى مەن 8 اقپاندا وتەدى. اتالعان دودا ەلىمىزدى تاريحىندا وتەتىن ەڭ ءىرى سپورتتىق شارا بولماق. وعان 2000 سپورتشى، 1000 تەحنيكالىق دەلەگات پەن تورەشىلەر توبى قاتىسادى. جانە جارىستى تاماشالاۋعا 30000 تۋريست كەلەدى دەپ جوسپارلانعان.

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكىتىلىگەن بولاتىن.