فرانسيا پرەمەر-مينيسترى مانۋەل ۆالس ەۋروپا تاياۋ شىعىستان ەندى بوسقىنداردى قابىلدامايتىنىن، ءوز شەكاراسىنىڭ قاۋىپسىزدىگىن نىعايتۋى ءتيىس ەكەنىن مالىمدەدى. بۇل تۋرالى "قامشى" پورتالى today.kz-كە سىلتەمە جاساي وتىرىپ حابارلايدى.

"بۇل گەرمانيانى سىنعا العانىم ەمەس. گەرمانيا ءوز تاڭداۋىن جاسادى. الايدا ول ءوز جاۋاپكەرشىلىگىن سەزىنۋى ءتيىس"، - دەپ اتاپ ءوتتى جۋرناليستەرمەن اىگىمەلەسۋ بارىسىندا ۆالس.

ونىڭ ايتۋىنشا، فرانسيا مەن بەلگيا ايقىن سەبەپتەرگە بايلانىستى ميگرانتتاردى قابىلداۋدى توقتاتۋى ءتيىس.

فرانسيا پرەمەرى 2015-2016 جىلدارى 30 مىڭعا دەيىن بوسقىن قابىلداۋ مىندەتتەمەسىن ورىنداۋعا نيەتتى ەكەنىن اتاپ ءوتتى، الايدا فرانسۋزدار پاريجدە 13 قاراشادا ورىن العان لاڭكەستىكتىڭ كەيبىر ورىنداۋشىلارى ەلگە ميگرانتتار قاتارىندا كەلگەنىن بىلەتىنىن اتاپ ءوتتى.
"بۇل ەۋروپانىڭ بوسقىندار اعىنىن باقىلاۋ جانە شەكارالاردى باقىلاۋ شەشىمىن ىسكە اسىرۋ بويىنشا مۇمكىندىكتەر ماسەلەسىن كوتەرەدى"، دەپ قوستى ول ءوز سوزىندە.

جۋىردا گرەكيا مەن ماكەدونيا اراسىنداعى شەكارادا تۇرىپ قالعان ميگرانتتار ەۋروپاعا وتكىزبەۋىنە قارسى نارازىلىق رەتىندە ءوز اۋىزدارىن تىككەنى بەلگىلى بولدى.

ەۋروپاداعى شەكارالاردى قورعاۋ ماسەلەلەرى بويىنشا پىكىرسايىستار 13 قاراشادا پاريجدە ورىن العان شابۋىلدار سەرياسىنان كەيىن كۇشەيىپ كەتتى.