ءۇش تىلدە ءبىلىم بەرۋدى دامىتۋدىڭ جول كارتاسىنا سايكەس 2020 جىلدان باستاپ ەلىمىزدەگى جوعارى وقۋ ورىندارىنداعى ءبىلىم بەرۋ جۇيەسىنە ايتارلىقتاي وزگەرىستەر ەنگىزىلەدى. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ماجىلىسىندە ق ر ءبىلىم جانە عىلىم مينيسترلىگىنىڭ جوعارى جيتتى. بۇل تۋرالى "قامشى" پورتالى BNews.kz-كە سىلتەمە جاساي وتىرىپ حابارلايدى.

«جول كارتاسىنا سايكەس جوعارى وقۋ ورىندارىندا ءبىلىم بەرۋ مازمۇنى قايتادان جاڭعىرتىلادى. بۇل كەزدە بارلىق وقۋ مەرزىمىندە اعىلشىن ءتىلى ءپانى وقىتىلادى. ءبىرىنشى كۋرستان باستاپ پاندەردىڭ 20 پايىزى ەكىنشى تىلدە وقىتىلادى. مىسالى، قازاق توبىندا وقيتىن ستۋدەنتتەر ساباعىنىڭ 20 پايىزىن ورىس تىلىندە، ال ورىس بولىمىندە وقيتىن ستۋدەنتتەر ءۇشىن قازاق تىلىندە وتەدى. ءۇشىنشى كۋرستان باستاپ بازالىق جانە كاسىبي پاندەر اعىلشىن تىلىندە وقىتىلادى»، - دەيدى گ.كوبەنوۆا.

ونىڭ ايتۋىنشا، بۇگىنگى كۇنى جوعارى وقۋ ورىندارىنداعى وقىتۋشىلاردىڭ تىلدىك دەڭگەيىن كوتەرۋ ماقساتىندا ءبىراز جۇمىستار جاسالىپ جاتىر.

«قازىرگى تاڭدا جوعارى وقۋ ورىندارىندا قىزمەت اتقاراتىن وقىتۋشىلىق قۇرام وزدەرىنىڭ تىلدىك دەڭگەيىن جەتىلدىرىپ كەلەدى. جوعارى وقۋ ورىندارىنداعى وقىتۋشىلاردىڭ 8 پايىزى اعىلشىن ءتىلىن جەتىك مەڭگەرگەن. تەحنيكالىق، پەداگوگيكالىق، گۋمانيتارلىق ماماندىقتاردا كەيبىر كاسىبي پاندەر اعىلشىن تىلىندە جۇرگىزىلىپ جاتىر. ولار وسى باعىتتا جۇمىستارىن جالعاستىرادى. سونىمەن قاتار، وقۋ ورىندارىنا شەتەلدەن وقىتۋشى عالىمدار كەلىپ ساباق وتكىزەدى. سوڭعى ءۇش-تورت جىلدىڭ ىشىندە 6 مىڭنان استام شەتەلدىك عالىم ستۋدەنتتەرگە ءدارىس وقىپ، سەمينارلار وتكىزدى. بىرىگىپ، عىلىمي زەرتتەۋلەر جۇرگىزدى. سوڭعى ءۇش جىلدىڭ ىشىندە 3000-عا جۋىق ستۋدەنت شەتەلدە ءبىر سەمەستر ءبىلىم الىپ كەلىپ، ءقازىر ەلدەگى وقۋ ورىندارىندا وقۋلارىن جالعاستىرىپ جاتىر.