باتىس قازاقستان وبلىسىندا بالاباقشا عيماراتىنىڭ تەرەزەسىنەن ءبۇلدىرشىن قۇلاپ ءتۇستى. بۇل تۋرالى "قامشى" پورتالى Tengrinews.كز -كە سىلتەمە جاساي وتىرىپ حابارلايدى.
ۆيدەو سيپاتتاماسىندا وقيعانىڭ باتىس قازاقستان وبلىسىنداعى زاشاعان كەنتىندە بولعانى ايتىلادى. ۆيدەودا بالانىڭ ەكىنشى قاباتتان قۇلاپ تۇسكەنى بەينەلەنگەن. بالا بەتون توسەلگەن جەرگە قۇلاپ، عيماراتقا كىرەر ەسىككە قاراي اۋىرسىنا ەڭبەكتەيدى. بىرەر ۋاقىتتان وتكەندە وعان ەر ادام كومەككە كەلەدى. قازىرگى ۋاقىتتا بالا اۋرۋحانادا جاتىر.
