ساتىپ جاتىر، ساتىپ جاتىر بارلىعىن،
ساتىپ جاتىر، ارىن قوسا ارلىنىڭ.
ايتار بولسام ەڭ سۇمدىعىن ازاپتىڭ،
بىرگە ساتقان قارا كوزىن قازاقتىڭ.
كەرەكسىزىن ايىرا المەي كەرەكتەن،
ءدىنىن، ءتىلىن، باياعىدا قور ەتكەن.
ءبارىن ساتىپ جاتىر مىنا تەكسىزدەر،
ءبارىن ساتىپ جاتىر مىنا بەتسىزدەر.
تاناۋىنىڭ استىنان قۇر مىڭگىرلەر،
ارىن ساتىپ جاتىر مىنا «شۇلدىرلەر»،
ار مەن ۇيات باياعىدا جوعالعان،
ايتشى حالقىم، ساتىلماعان نە قالعان؟
سەن، قۇريسىڭ، نامىستى ۇلت بولماساڭ،
ءدۇر سىلكىنىپ ەندى اتىڭا قونباساڭ!
قايران حالقىم، ءبارى دە كەش بولماي ما؟..
ءبىر كەزدەگى جەر قايىسقان قول قايدا؟..
بۇكىل قازاق قالماي ما ءوزى توتيىپ؟..
بۇگىن قازاقتىڭ جەرى جاپپاي ساتىلىمعا شىعارىلدى. اۋكسيوننىڭ العاشقى كۇنىندە مەملەكەت بيۋدجەتىنە 1،5 ملرد قارجى تۇسكەن. بۇل تۋرالى abai.kz پورتالىqazaquni.kz سايتىنا سىلتەمە جاساي وتىرىپ حابارلايدى. وقىرماننىڭ ەسىندە بولسا، 100 ملن.گا قازاق جەرى اۋكسيوندا ساتىلاتىنى تۋرالى جازعان ەدىك:http://abai.kz/post/view؟id=4789. سونىڭ العاشقى «ناتيجەسى» 1،5 ملرد تەڭگە بولسا كەرەك.
كىلەڭ ۇرى، تاعى ەسىرىپ، جەلىككەن،
باي-باعلانى - اسىپ، تاسىپ ەرىككەن.
التىن، كۇمىس... نەبىر قىمبات اسىلدار
قۇر باقىرعا ساتىلۋدا نەلىكتەن؟..
ەن بايلىقتان ءىسىپ جانە قۇسىپ بار،
بىر-بىرىنە دەيدى تاعى «ءشىپ قال»
ۇرلاپ، جىرلاپ، 24 ىشىندە
«داعدارىستى» ويلاپ تاپقان «پىسىقتار».
اناۋ نوقاي ايۋلاردان «دوسى» بار،
ۇلت بايلىعىن توناپ جاتقان وسىلار.
بۇل ۇرىلار - كور ءتىشقانعا اينالىپ،
بىر-بىرىمەن ءىن ارقىلى قوسىلار.
مومىن قازاق - تاعدىرىمەن وينايتىن،
جەكە باستىڭ قامىن عانا ويلايتىن،
الىپ جاتىر، اساپ جاتىر، جەپ جاتىر،
بۇل ۇرىلار - نەتكەن تاجال تويمايتىن؟
تاعى نەڭدى الادى ولار قاي قىردان؟
جول تابا الماي قازاق قانا قايعىرعان...
بۇكىل قازاق قالماي ما ەكەن توتيىپ،
بار بايلىقتان تۇتتاي بولىپ ايرىلعان؟..
توزەسىڭ بۇعان قاشانعى؟..
كەلىمسەكتەرگە ۇناعان،
قازاقتى عانا سىناعان،
ۇلتىمنىڭ اۋىر كۇيىنە
كىنالى جالعىز ءبىر ادام.
قازاقتىڭ ءدىنىن قورلاعان،
قازاقتىڭ ءتىلىن قورلاعان،
بارىنە بۇنىڭ كىنالى
بىزدەگى سول ءبىر وڭباعان.
قالدىرماي تۇياق قورادان،
بايلىعىن ۇلتتىڭ توناعان،
بارىنە باستان كىنالى،
تۇسىنسەڭ ۇلتىم، بۇل ادام.
تۇتاس ۇلت كوزگە جاس الدى،
تۇسىنبەي اناۋ قاساردى.
قايران دا مەنىڭ قازاعىم،
توزەسىڭ بۇعان قاشانعى؟..
جۇماش كوكبورى
