قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ بۇيرىعىمەن  ۇيالى بايلانىس جەلىلەرىندە ابونەنتتىك ءنومىردى كوشىرۋ قاعيدالارىن جانە ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتتەرىن ەنگىزۋ كۇنى  بەكىتىلدى، - دەپ حابارلايدى قازاقپارات.

قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ بۇيرىعى 

2015 جىلعى 26 قاراشا استانا قالاسى №1105

  ۇيالى بايلانىس جەلىلەرىندە ابونەنتتىك ءنومىردى كوشىرۋ قاعيدالارىن جانە ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتتەرىن ەنگىزۋ  كۇنىن بەكىتۋ تۋرالى

«بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسى زاڭىنىڭ 8-بابى 1-تارماعىنىڭ 8-5) تارماقشاسىنا سايكەس بۇيىرامىن:
1. مىنالار:
1) قوسا بەرىلىپ وتىرعان ۇيالى بايلانىس جەلىلەرىندە ابونەنتتىك ءنومىردى كوشىرۋ قاعيدالارى؛
2) ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتتەرىن ەنگىزۋ كۇنى 2016 جىلدىڭ 1 قاڭتارى بولىپ بەكىتىلسىن.
2. قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ بايلانىس، اقپارات­تاندىرۋ جانە اقپارات كوميتەتى (ت.ب. قازانعاپ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن؛
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە، سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا ونىڭ كوشىرمەلەرىن باسپا جانە ەلەكتروندىق تۇردە جىبەرۋدى؛
3) وسى بۇيرىقتىڭ قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن؛
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1)، 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيسيالار جانە دامۋ ۆيسە-مينيسترىنە جۇكتەلسىن.
4. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالاۋعا جاتادى.

قازاقستان رەسپۋبليكاسى ينۆەستيسيالار جانە دامۋ ءمينيسترىنىڭ مىندەتىن اتقارۋشى ا. راۋ.

ۇيالى بايلانىس جەلىلەرىندە ابونەنتتىك ءنومىردى كوشىرۋ قاعيدالارى

1. جالپى ەرەجەلەر
1. ۇيالى بايلانىس جەلىلەرىندە ابونەنتتىك ءنومىردى كوشىرۋ قاعيدالارى (بۇدان ءارى - قاعيدالار) «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسى زاڭىنىڭ 8-بابى 1-تار­ماعىنىڭ 8-5) تارماقشاسىنا سايكەس ازىرلەندى (بۇدان ءارى - زاڭ) جانە ابونەنتتىك ءنومىردى ۇيالى بايلانىس جەلىلەرىندە كوشىرۋ، ابونەنتتىك نومىرلەردىڭ ورتالىقتاندىرىلعان دەرەكقورىنىڭ جۇمىس ىستەۋ جانە ونىڭ رەسۋرستارىنا قول جەتكىزۋگە رۇقسات بەرۋ، سونداي-اق ابونەنتتىك نومىرلەردى كوشىرۋگە قاتىسۋشىلاردىڭ اراسىنداعى ۇيىمداستىرۋشىلىق-تەحنيكالىق ءىس-قيمىل مەن ءوزارا ەسەپتەسۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ابونەنتتىك ءنومىردى كوشىرۋ - ابونەنتتىڭ باسقا ۇيالى بايلانىس وپەراتورىمەن ۇيالى بايلانىس قىزمەتتەرىن كورسەتۋ تۋرالى جاڭا شارت جاساسۋ كەزىندە وعان ۇسىنىلاتىن، ۇيالى بايلانىس جەلىلەرىندە ابونەنتتىك ءنومىردى ساقتاپ قالۋ جانە پايدالانۋ بويىنشا كورسەتىلەتىن قىزمەت؛
2) ابونەنتتىك نومىرلەردىڭ ورتالىقتاندىرىلعان دەرەكقورى (بۇدان ءارى - انودق) - وسى قاعيدالار ايقىندايتىن مالىمەتتەردى قوسا العاندا، ۇيالى بايلانىستىڭ ابونەنتتىك نومىرلەرى تۋرالى اقپاراتتى قامتيتىن دەرەكقورلاردى باسقارۋدىڭ اپپاراتتىق-باعدارلامالىق كەشەنى؛
3) انودق وپەراتورى - انودق قالىپتاستىرۋدى، ونىڭ جۇمىس ىستەۋىن، ونى قولداپ وتىرۋدى جانە دامىتۋدى قامتاماسىز ەتەتىن جانە ونىڭ رەسۋرستارىنا قول جەتكىزۋدى ۇسىناتىن ۇيىم؛
4) ابونەنتتىك ءنومىردى كوشىرۋگە قاتىسۋشىلار - ۇيالى جانە تىركەلگەن بايلانىس وپەراتورلارى، ابونەنت جانە انودق وپەراتورى؛
5) ابونەنتتى سايكەستەندىرۋ كارتاسى - ابونەنتتى سايكەستەندىرەتىن جانە ابونەنتكە ۇيالى بايلانىس وپەراتورىنىڭ قىزمەتتەرىنە قاتىناۋدى قامتاماسىز ەتەتىن (SIم/R-UIم - كارتا جانە باسقالارى) ابونەنتتىك قۇرىلعىنىڭ ءبىر بولىگى بولىپ تابىلاتىن ميكروپروسەسسورلىق ءمودۋلدى بىلدىرەتىن جەكە قاتىناۋ كارتوچكاسى؛
6) باعىتتاۋ ءنومىرى (routing number، RN) - ۇيالى بايلانىس جەلىلەرىندە جانە ورتاق پايدالانىلاتىن تەلەكوممۋنيكاسيا جەلىسىندە ۇيالى بايلانىستىڭ كوشىرىلگەن ابونەنتتىك نومىرىنە شاقىرۋلار جاساۋ ءۇشىن قولدانىلاتىن ادرەستى اقپارات. باعىتتاۋ ءنومىرى (routing number، RN) پرەفيكستەن (ءبىر ونالتىلىق ساناۋ جۇيەسىندەگى «D» سيفرى) جانە وندىق ساناۋ جۇيەسىندەگى ەكى تاڭبالى ۇيالى وپەراتور جەلىسىنىڭ كودىنان تۇرادى؛
7) باستاپقى وپەراتور - ابونەنتكە ءبىرىنشى رەت ابونەنتتىڭ ءنومىرىن كوشىرۋ جۇزەگە اسىرىلعان نومىرلەۋ رەسۋرسى العاشقى رەت بەرىلگەن ۇيالى بايلانىس وپەراتورى؛
8) دونور-وپەراتور (بۇدان ءارى - دونور) - بايلانىس جۇيەسىنەن ابونەنتتىك ءنومىردى كوشىرۋ جۇزەگە اسىرىلاتىن ۇيالى بايلانىس وپەراتورى؛
9) قىسقا ماتىندىك حابارلاما (SMS، USSD) - بەلگىلى بىرىزدىلىكپەن تەرىلگەن ارىپتەردەن جانە (نەمەسە) سانداردان جانە (نەمەسە) سيمۆولداردان تۇراتىن جانە ۇيالى بايلانىس وپەراتورى جەلىسىنىڭ تەحنيكالىق مۇمكىندىكتەرىمەن جانە ابونەنتتىك قۇرىلعىمەن مۇمكىن بولاتىن كولەمدەگى اقپاراتتىق حابارلاما؛
10) قاتە كوشىرۋ - ۇيالى بايلانىس وپەراتورلارىمەن ابونەنتتىڭ ءوتىنىمىسىز ابونەنتتىك ءنومىردى كوشىرۋ؛
11) رەسيپيەنت-وپەراتور (بۇدان ءارى - رەسيپيەنت) - بايلانىس جەلىسىنە ابونەنتتىك ءنومىردى كوشىرۋ جۇزەگە اسىرىلاتىن ۇيالى بايلانىس وپەراتورى؛
12) ۇيالى بايلانىس قىزمەتتەرىن كورسەتۋدى توقتاتۋ - شىعىس بايلانىستى شەكتەۋ؛
13) «All Call Query» تەحنولوگياسى (بارلىق شاقىرۋلارعا ارنالعان سۇراتۋ) - تاسىمالدانعان ءنومىر تۋرالى اقپارات الۋ جانە شاقىرۋدى بۇدان ءارى باعدارى بويىنشا مارشرۋتتاۋ ءۇشىن شاقىرۋدى باساتمالاۋشىنىڭ جۇيەسى تاسىمالدانعان نومىرلەردىڭ وپەراسيالىق دەرەكقورىنا سۇراۋ سالۋدى جۇزەگە اسىراتىن، ۇيالى بايلانىستىڭ تاسىمالدانعان ابونەنتتىك نومىرلەرىنە ترافيك وتكىزۋ ءۇشىن شاقىرۋلاردى تىكەلەي مارشرۋتتاۋ ءادىسى.
وسى قاعيدالاردا پايدالانىلاتىن وزگە ۇعىمدار مەن انىقتامالار زاڭعا سايكەس قول­دانىلادى.

 ابونەنتكە ابونەنتتىك ءنومىردى كوشىرۋ بويىنشا قىزمەتتى ۇيالى بايلانىس وپەراتورلارى وتەۋسىز نەگىزدە كورسەتەدى.

ابونەنتتىك ءنومىردى كوشىرۋ قىزمەتى ابونەنتكە كۇنتىزبەلىك 60 كۇن ىشىندە ءبىر رەتتەن ءجيى كورسەتىلمەيدى.

2. ۇيالى بايلانىس جەلىلەرىندە ابونەنتتىك ءنومىردى كوشىرۋ ءتارتىبى

ابونەنتتىك ءنومىردى كوشىرۋ رەسيپيەنتكە قىزمەت كورسەتۋ ورنىنا ابونەنتتىڭ وسى قاعيدالارعا قوسىمشاعا سايكەس نىسان بويىنشا ۇيالى بايلانىس جەلىلەرىندە ابونەنتتىك ءنومىردى كوشىرۋگە ءوتىنىم (بۇدان ءارى-وتىنىم) بەرۋى جولىمەن جۇزەگە اسىرىلادى.

ۇيالى بايلانىس جەلىلەرىندە ابونەنتتىك نومىرلەردى كوشىرۋدى ۇيالى بايلانىس وپەراتورلارى مىنا مەرزىمدەردە ابونەنتتىڭ ءوتىنىمى نەگىزىندە قامتاماسىز ەتەدى:
1) جەكە تۇلعا ءۇشىن:
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 5 جۇمىس ساعاتىنا دەيىن؛
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 6 اي وتكەن سوڭ 2 جۇمىس ساعاتىنا دەيىن؛
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 12 اي وتكەن سوڭ 90 مينۋتقا دەيىن؛
2) زاڭدى تۇلعا ءۇشىن:
9 جۇمىس ساعاتىنا دەيىن.
بۇل رەتتە مەرزىمى ابونەنت ءوتىنىم بەرگەن كۇنىنەن جانە ۋاقىتىنان باستاپ ەسەپتەلەدى.
رەسيپيەنتتىڭ ءوتىنىمدى قابىلداۋى رەسيپيەنتتىڭ جۇمىس كەستەسىنە سايكەس جۇزەگە اسىرىلادى.
دونوردىڭ ءنومىردى كوشىرۋ مۇمكىندىگىن تەكسەرۋ وسى قاعيدالاردىڭ 15-تارماعىندا كورسەتىلگەن مەرزىمدەردە جۇزەگە اسىرىلادى.

 ابونەنتتىك ءنومىردى كوشىرۋ مىناداي شارتتار بولعان كەزدە جۇزەگە اسىرىلادى:
1) ۇيالى بايلانىس جەلىلەرىندە ابونەنتتىك ءنومىردى كوشىرۋگە ءوتىنىمنىڭ دۇرىس تولتىرىلۋى. بۇل رەتتە دۇرىس تولتىرۋ ماعىناسى ءوتىنىمنىڭ دۇرىس جانە انىق تولتىرىلۋىن بىلدىرەدى؛
2) ابونەنتتىڭ دەربەس دەرەكتەرىنىڭ دۇرىستىعى. بۇل رەتتە ونىڭ ماعىناسى مىنالاردى بىلدىرەدى:
دونور مەن ابونەنت اراسىندا جاسالعان ۇيالى بايلانىس قىزمەتتەرىن كورسەتۋ شارتىنا سايكەس كوشىرۋگە ارنالعان وتىنىمدە كورسەتىلگەن تۇلعاعا كوشىرىلەتىن ابونەنتتىك ءنومىردىڭ تيەسىلىگىن راستاۋ (ءوتىنىش بەرۋشىنىڭ دەرەكتەرىن دونورداعى ابونەنت تۋرالى مالىمەتتەرمەن سايكەستەندىرۋ)؛
3) ابونەنتتىك ءنومىردى كوشىرۋ مۇمكىندىگىن راستاۋ - قاتەلىكپەن كوشىرۋ جاعدايلارىن قوسپاعاندا، سوڭعى كوشىرۋ ساتىنەن باستاپ كەمىندە كۇنتىزبەلىك 60 كۇن ءوتتى؛
4) ابونەنتتىك ءنومىردى كوشىرۋگە بەرىلگەن بەلسەندى وتىنىمدەردىڭ بولماۋى.
 رەسيپيەنت ابونەنتتىڭ ءوتىنىمىن دۇرىس تولتىرۋىن تەكسەرەدى، وسى ءوتىنىمدى تىركەيدى جانە انودق-عا سۇراۋ سالۋ جىبەرەدى.

انودق-عا جىبەرىلەتىن ابونەنتتىك ءنومىردى كوشىرۋگە سۇراۋ سالۋ مىناداي مالىمەتتەردى قامتيدى:
1) جەكە تۇلعالار ءۇشىن:
ابونەنتتىك ءنومىرى؛
جسن جانە (نەمەسە) جەكە باسىن كۋالاندىرۋشى قۇجاتتىڭ ءنومىرى؛
2) زاڭدى تۇلعالار ءۇشىن:
زاڭدى تۇلعانىڭ (جەكە كاسىپكەرلەردىڭ) اتاۋى؛
ابونەنتتىك ءنومىر نەمەسە ابونەنتتىك نومىرلەر تىزبەسى؛
زاڭدى تۇلعانىڭ بسن؛
جەكە كاسىپكەرلەر ءۇشىن جسن؛
ابونەنتتىك نومىرلەردى تولىعىمەن نەمەسە ءىشىنارا كوشىرۋدى تاڭداۋ تۋرالى نۇسقاۋ.
بۇل رەتتە ابونەنتتىك ءنومىردى تولىعىمەن كوشىرۋدى تاڭداۋ ابونەنت ابونەنتتىك نومىرلەر تىزبەسىندە كورسەتكەن بارلىق ابونەنتتىك نومىرلەردى كوشىرۋدى كوزدەيدى. ابونەنتتىك نومىرلەردىڭ بىرەۋى بويىنشا كوشىرۋدەن باس تارتىلعان جاعدايدا، ءوتىنىم تىزبەدە كورسەتىلگەن بارلىق ابونەنتتىك نومىرلەر بويىنشا تولىعىمەن قابىلدانباعان بولىپ ەسەپتەلەدى.
ابونەنتتىك ءنومىردى ءىشىنارا كوشىرۋدى تاڭداۋ ابونەنت ابونەنتتىك نومىرلەر تىزبەسىندە كورسەتكەن ابونەنتتىك نومىرلەردىڭ دونوردىڭ كوشىرۋگە راستاۋى بولعان بولىگىن عانا كوشىرۋدى كوزدەيدى. بۇل رەتتە ءبىر نەمەسە بىرنەشە ابونەنتتىك نومىرلەر بويىنشا باس تارتۋ ءتىزىم بويىنشا دونوردىڭ كوشىرۋگە راستاۋى الىنعان ابونەنتتىك نومىرلەردى كوشىرۋدەن باس تارتۋ بولىپ تابىلمايدى.
10. رەسيپيەنتتەن ابونەنتتىك ءنومىردى كوشىرۋگە سۇراۋ سالۋدى العان كەزدە انودق:
1) ابونەنت مالىمەتتەرىن دۇرىس تولتىرىلۋىن؛
2) وسى قاعيدالاردىڭ 7-تارماعى 3) تارماقشاسىنىڭ ساقتالۋىن؛
3) اتالعان ابونەنتتىك ءنومىردى كوشىرۋگە بەلسەندى وتىنىمدەردىڭ بولۋىن تەكسەرۋدى ورىندايدى.

تەكسەرۋدىڭ ناتيجەلەرى بويىنشا انودق ابونەنتتىك ءنومىردى كوشىرۋ تۋرالى رەسيپيەنتتىڭ سۇراۋ سالۋىن راستايدى نەمەسە كەلەسى جاعدايلاردا رەسيپيەنتكە ابونەنتتىك ءنومىردى كوشىرۋدەن باس تارتۋ تۋرالى ەركىن نىساندا حابارلاما جىبەرەدى:
1) وتىنىمدەگى بارلىق قاجەتتى جولداردىڭ تولتىرىلماعانى؛
2) الدىڭعى ابونەنتتىك ءنومىردى كوشىرۋ جۇزەگە اسىرىلعان مەرزىمنەن 60 كۇنتىزبەلىك كۇن وتكەن جوق؛
3) اتالعان ابونەنتتىك ءنومىردى كوشىرۋگە ارنالعان بەلسەندى ءوتىنىم ايقىندالدى.

 وسى قاعيدالاردىڭ 10-تارماعىنىڭ 1) تارماقشاسىندا كورسەتىلگەن نەگىزدەمە بويىنشا ابونەنتتىك ءنومىردى كوشىرۋدەن باس تارتۋ تۋرالى انودق-دان حابارلاما العاننان كەيىن رەسيپيەنت دەرەۋ كەمشىلىكتەردى جويادى جانە سۇراۋ سالۋدى قايتادان انودق-عا جىبەرەدى.
وسى قاعيدالاردىڭ 10-تارماعىنىڭ 2) جانە 3) تارماقشالارىندا كورسەتىلگەن نەگىزدەمەلەر بويىنشا ابونەنتتىك ءنومىردى كوشىرۋدەن باس تارتىلعان جاعدايدا، رەسيپيەنت SMS جىبەرۋ جولىمەن ابونەنتتىك ءنومىردى كوشىرۋدەن باس تارتۋ تۋرالى ابونەنتتى حابارلاندىرادى.
انودق-دان ابونەنتتىك ءنومىردى كوشىرۋ تۋرالى سۇراۋ سالۋدى راستاۋدى العاننان كەيىن رەسيپيەنت ابونەنتپەن ۇيالى بايلانىس قىزمەتتەرىن كورسەتۋ تۋرالى شارت جاساسادى جانە جاڭا ابونەنتتى سايكەستەندىرۋ كارتاسىن بەرەدى.
رەسيپيەنت جانە ابونەنت اراسىندا بايلانىس قىزمەتتەرىن كورسەتۋ تۋرالى شارت قازاقستان رەسپۋبليكاسى ينۆەستيسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى № 171 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزبەسىندە № 10999 بولىپ تىركەلگەن) ۇيالى بايلانىس قىزمەتتەرىن كورسەتۋ قاعيدالارىنا (بۇدان ءارى-ۇيالى بايلانىس قىزمەتتەرىن كورسەتۋ قاعيدالارى) سايكەس جاسالادى.
 ابونەنتتىك ءنومىردى كوشىرۋ تۋرالى رەسيپيەنتتىڭ سۇراۋ سالۋىن راستاعان جاعدايدا، انودق ابونەنتتىك ءنومىردى كوشىرۋ تۋرالى سۇراۋ سالۋدى دونورعا جىبەرەدى.
انودق-دان سۇراۋ سالۋدى العان كەزدە دونور وسى قاعيدالاردىڭ 7-تارماعىندا كوزدەلگەن ابونەنتتىك ءنومىردى كوشىرۋ شارتتارىنىڭ ساقتالۋىنا قاتىستى سۇراۋ سالۋدى تەكسەرۋدى ورىندايدى.
جەكە جانە زاڭدى تۇلعالاردىڭ وتىنىمدەرى بويىنشا دونوردىڭ سۇراۋ سالۋدى قاراۋ مەرزىمى دونوردىق انودق-دان سۇراۋ سالۋدى العان ساتىنەن باستاپ ەسەپتەلەدى جانە مىنالاردى قۇرايدى:
1) جەكە تۇلعا ءۇشىن:
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 4 جۇمىس ساعاتىنا دەيىن؛
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 6 اي وتكەن سوڭ 60 مينۋتقا دەيىن؛
ۇيالى بايلانىس جەلىلەرىندە ابونەنتتىك ءنومىردى كوشىرۋ قىزمەتى ەنگىزىلگەن كۇنىنەن باستاپ 12 اي وتكەن سوڭ 30 مينۋتقا دەيىن؛
2) زاڭدى تۇلعا ءۇشىن:
8 جۇمىس ساعاتىنا دەيىن.
تەكسەرۋدىڭ ناتيجەلەرى بويىنشا دونور ابونەنتتىك ءنومىردى كوشىرۋ تۋرالى رەسيپيەنتتىڭ سۇراۋ سالۋىن راستايدى نەمەسە انودق-عا وسى قاعيدالاردىڭ 15-تارماعىندا كورسەتىلگەن نەگىزدەمەلەر بويىنشا كورسەتىلگەن ابونەنتتىك ءنومىردى كوشىرۋدەن باس تارتۋ تۋرالى ەركىن نىساندا حابارلاما جىبەرەدى.

ابونەنتتىك ءنومىردى كوشىرۋ تۋرالى سۇراۋ سالۋدى راستاعان جاعدايدا دونور انودق مەن ابونەنتكە شىعىس بايلانىس قىزمەتتەرىن بۇعاتتاۋدى، كوشىرىلەتىن ابونەنتتىك ءنومىر بويىنشا تولەمدەردى قابىلداۋدى توقتاتۋدى قامتيتىن ابونەنتتىك ءنومىردى تەحنيكالىق كوشىرۋدى باستاۋ تۋرالى ەركىن نىساندا حابارلاما جىبەرەدى.

ەگەر دونور ابونەنتتىك ءنومىردى كوشىرۋگە سۇراۋ سالۋدى العان ساتتەن باستاپ وسى قاعيدالاردىڭ 15-تارماعىندا كورسەتىلگەن ۋاقىت ىشىندە ابونەنتتىك ءنومىردى كوشىرۋدى راستاۋى نەمەسە باس تارتۋى تۋرالى انودق حابارلاندىرماسا، انودق ابونەنتتىك ءنومىردى كوشىرۋگە سۇراۋ سالۋدىڭ راستالعانى تۋرالى رەسيپيەنتكە اۆتوماتتى تۇردە حابارلايدى.

 دونوردان ابونەنتتىك ءنومىردى كوشىرۋگە سۇراۋ سالۋدى راستاۋدى العاننان كەيىن انودق ابونەنتتىك ءنومىردى تەحنيكالىق كوشىرۋدى باستاۋ تۋرالى رەسيپيەنتكە حابارلايدى.

 دونوردىڭ ابونەنتتىك ءنومىردى كوشىرۋ تۋرالى سۇراۋ سالۋدى قاراۋ ناتيجەلەرى بويىنشا رەسيپيەنت ابونەنتكە ابونەنتتىك ءنومىردى كوشىرۋدى راستاۋ تۋرالى SMS جىبەرەدى. دونور وسى قاعيدالاردىڭ 7-تارماعىندا كورسەتىلگەن نەگىزدەمەلەر بويىنشا ابونەنتتىك ءنومىردى كوشىرۋدەن باس تارتقان جاعدايدا رەسيپيەنت باس تارتۋ سەبەبىن كورسەتە وتىرىپ، SMS جىبەرۋ ارقىلى ابونەنتتى كوشىرۋدەن باس تارتۋ تۋرالى حابارلاندىرادى.

انودق-دان ابونەنتتىك ءنومىردى كوشىرۋ تۋرالى سۇراۋ سالۋدى راستاۋدى العان ساتتەن باستاپ 30 مينۋتتىڭ ىشىندە رەسيپيەنت:
1) بيللينگ جۇيەلەرى مەن ابونەنتتەردى سايكەستەندىرۋ دەرەكقورىن قوسا العاندا، ابونەنتتىك ءنومىردى ءوزىنىڭ دەرەكقورىنا ەنگىزۋ بويىنشا قاجەتتى ءىس-قيمىلداردى ورىندايدى؛
2) انودق-عا ابونەنتتىك ءنومىردى ءوز جەلىسىندە تىركەۋ تۋرالى ەركىن نىساندا حابارلاما جىبەرەدى؛
3) SMS جىبەرۋ ارقىلى ابونەنتتى ۇيالى بايلانىس قىزمەتتەرىن كورسەتۋدى باستاۋ تۋرالى حاباردار ەتەدى.

 رەسيپيەنتتەن ابونەنتتىك ءنومىردى تىركەۋ تۋرالى حابارلاما العاننان كەيىن انودق:
1) ابونەنتتىك ءنومىردى كوشىرۋ تۋرالى دەرەكتەردى انودق-عا ەنگىزەدى؛
2) دونورعا ابونەنتتى اجىراتۋ قاجەتتىگى تۋرالى ەركىن نىساندا حابارلاما جىبەرەدى؛
3) بارلىق بايلانىس وپەراتورلارىن كوشىرىلگەن ابونەنتتىك ءنومىر بويىنشا باعىتتاۋدى وزگەرتۋ قاجەتتىلىگى تۋرالى حابارلاندىرادى.

انودق-دان حابارلامانى العان ساتتەن باستاپ 30 مينۋتتان كەشىكتىرمەي بايلانىس وپەراتورلارى كوشىرىلگەن ابونەنتتىك ءنومىر بويىنشا باعىتتاۋداعى وزگەرىستەردى ورىندايدى جانە ءوز جەلىلەرىندە باعىتتاۋدى وزگەرتكەنى تۋرالى انودق-عا راستاۋ جىبەرەدى.

انودق-دان حابارلامانى العان ساتتەن باستاپ 30 مينۋتتان كەشىكتىرمەي دونور ابونەنتتىك ءنومىردى ءوز بيلليگ جۇيەسىنەن جويۋدى، بايلانىس قىزمەتتەرىن اجىراتۋدى جانە ابونەنتتى اجىراتقانى تۋرالى انودق-عا ەركىن نىساندا حابارلاما جىبەرەدى.

دونوردان ابونەنتتى اجىراتقانى تۋرالى حابارلاما جانە بايلانىس وپەراتورلارىنان كوشىرىلگەن ابونەنتتىك ءنومىر بويىنشا باعىتتاۋدى وزگەرتۋ تۋرالى راستاۋ العاننان كەيىن انودق دونورعا ابونەنتتىك ءنومىردى كوشىرۋدىڭ ءساتتى اياقتالعانى تۋرالى حابارلاما جىبەرەدى.

ابونەنتتىك ءنومىردى كوشىرۋدى جۇزەگە اسىرۋعا قاجەتتى ۋاقىتتىڭ بارلىق كەزەڭىندە ابونەنت كىرىس بايلانىس قىزمەتتەرىمەن قامتاماسىز ەتىلەدى.
 ابونەنتتىك ءنومىردى كوشىرۋ قىزمەتتەرىنەن ابونەنتتىڭ باس تارتۋى دونور ابونەنتتىك ءنومىردى كوشىرۋ تۋرالى سۇراۋ سالۋدى راستاعانعا دەيىن مۇمكىن.3. انودق جۇمىس ىستەۋى جانە ونىڭ رەسۋرستارىنا قول جەتكىزۋگە رۇقسات بەرۋ ءتارتىبى

 انودق ابونەنتتىك ءنومىردى كوشىرۋدى قامتاماسىز ەتۋ ءۇشىن بايلانىس وپەراتورلارىمەن ۇسىنىلاتىن قاجەتتى اقپاراتتى جيناۋ، وڭدەۋ، ساقتاۋ مەن جىبەرۋ پروسەستەرىن اۆتوماتتاندىرۋدى جانە ۇيلەستىرۋدى جۇزەگە اسىرادى.

 كوشىرىلگەن ابونەنتتىك نومىرلەر تۋرالى مالىمەتتەردى وزگەرتۋگە، كوشىرۋ پروسەسىنە، ابونەنتتىك ءنومىردى كوشىرۋ قىزمەتىن كورسەتۋدى ۋاقىتشا توقتاتا تۇرۋ مەن كوشىرىلگەن ابونەنتتىك ءنومىردى باستاپقى وپەراتورىنا قايتارۋعا قاتىستى اقپاراتپەن الماسۋ انودق ارقىلى جۇزەگە اسىرىلادى.

 انودق-داعى اقپاراتتى جانە مالىمەتتەردى جيناۋدى، ساقتاۋدى، وڭدەۋدى، جىبەرۋدى قوسا العاندا، انودق قالىپتاستىرۋدى، جۇرگىزۋدى، جۇمىس ىستەۋىن جانە سۇيەمەلدەۋدى، سونداي-اق انودق-عا قول جەتكىزۋگە رۇقسات بەرۋدى انودق وپەراتورى «دەربەس دەرەكتەر جانە ولاردى قورعاۋ تۋرالى» 2013 جىلعى 21 مامىرداعى قازاقستان رەسپۋبليكاسى زاڭىنىڭ (بۇدان ءارى - دەربەس دەرەكتەر تۋرالى زاڭ) تالاپتارىن ساقتاۋمەن قامتاماسىز ەتەدى.

 ۇيالى بايلانىستىڭ ابونەنتتىك نومىرلەرى تۋرالى اقپاراتتى جانە وسى قاعيدالاردىڭ 9-تارماعىندا بەلگىلەنگەن انودق-عا ەنگىزىلەتىن باسقا مالىمەتتەردى ۇيالى بايلانىس وپەراتورلارى دەربەس دەرەكتەر تۋرالى زاڭنىڭ تالاپتارىن ساقتاي وتىرىپ ۇسىنادى.

 بايلانىس وپەراتورلارىنىڭ انودق-عا قولجەتىمدىلىگىن انودق وپەراتورى بايلانىس وپەراتورلارى مەن انودق وپەراتورى اراسىندا جاسالعان شارتقا سايكەس قامتاماسىز ەتەدى.

 انودق-دا:
1) باسقا ۇيالى بايلانىس وپەراتورلارىمەن ۇيالى بايلانىس قىزمەتتەرىن كورسەتۋ تۋرالى جاڭا شارتتار (بۇدان ءارى - جاڭا شارتتار) جاساعان كەزدە ابونەنتتەردە ساقتالاتىن كوشىرىلگەن ابونەنتتىك نومىرلەر؛
2) ابونەنتتىك ءنومىردى كوشىرۋ كۇنى مەن ۋاقىتى؛
3) نومىرلەۋ رەسۋرسىنىڭ ۇيالى بايلانىس وپەراتورلارىنا تيەسىلىگىن كورسەتە وتىرىپ، ۇيالى بايلانىس وپەراتورلارىنا بەلگىلەنگەن تارتىپپەن بولگەن نومىرلەۋ تۋرالى اقپارات ساقتالادى جانە (نەمەسە) وڭدەلەدى.

 انودق جۇمىس ىستەۋىن جانە سۇيەمەلدەۋدى قامتاماسىز ەتۋ ماقساتىندا انودق وپەراتورى مىناداي ءىس-شارالاردى جۇزەگە اسىرادى:
1) انودق تاۋلىك بويى جۇمىس ىستەۋىن قامتاماسىز ەتۋ؛
2) ۇيالى بايلانىس وپەراتورلارىنان كەلىپ تۇسەتىن اقپاراتتى جيناۋ، ساقتاۋ جانە وڭدەۋ؛
3) انودق-داعى اقپاراتتى قورعاۋدى قامتاماسىز ەتۋ؛
4) بايلانىس وپەراتورلارىنا ابونەنتتىك ءنومىردى كوشىرۋدى جانە دۇرىس باعىتتاۋدى جۇزەگە اسىرۋ ءۇشىن قاجەتتى انودق قامتىلعان اقپاراتقا قول جەتكىزۋگە رۇقسات بەرۋ.

انودق-داعى اقپاراتتى قورعاۋ، سونداي-اق وعان قول جەتكىزۋ قازاقستان رەسپۋبليكاسىنىڭ زاڭناماسى مەن وسى قاعيدالاردا بەلگىلەنگەن تالاپتاردى ساقتاۋمەن جۇزەگە اسىرىلادى.

انودق جانە بايلانىس وپەراتورلارىنىڭ لوكالدىق دەرەكقورلارى اراسىنداعى ءوزارا ءىس-قيمىل IP VPN (مەنشىكتى ۆيرتۋالدى جەلىلەر) بويىنشا، اقپاراتتىق جۇيەلەردىڭ WEB، SOAP نەمەسە SFTP ينتەرفەيستەرى ارقىلى جۇزەگە اسىرىلادى.

4. ۇيالى بايلانىس جەلىلەرىندە ابونەنتتىك نومىرلەردى كوشىرۋگە قاتىسۋشىلاردىڭ اراسىنداعى ۇيىمداستىرۋشىلىق-تەحنيكالىق ءوزارا ءىس-قيمىل جانە ءوزارا ەسەپتەسۋ ءتارتىبى

بايلانىس وپەراتورلارى:
1) داۋىستىق شاقىرۋلار مەن SMS حابارلامالاردى RN باعىتتاۋ ءنومىرىن، ەك ەلدىڭ كودىن جانە Nۇلت ۇلتتىق (ءمانى بار) تەلەفون ءنومىرىن قامتيتىن 14 سيمۆولدان تۇراتىن ءنومىر فورماتىندا باعىتتاۋدى:
RN + ەك + Nۇلت، مۇندا RN = كنپ + XX، ءۇش سيمۆولدان تۇرادى؛
كنپ - ون التى سيفردان قۇرىلعان، «D» ءمانى بار، كوشىرىلگەن نومىرلەردىڭ پرەفيكسى؛
XX - ۇيالى بايلانىس وپەراتورى جەلىسىنىڭ ەكى سيفردان تۇراتىن كودى؛
ەك - دۇنيەجۇزىلىك نومىرلەۋدىڭ جەتىنشى جيىنتىق اۋماعىنا كىرەتىن ەلدەرگە ارنالعان (قازاقستان رەسپۋبليكاسى جانە رەسەي فەدەراسياسى) ەلدىڭ كودى، ەك=7؛
Nۇلت = DEF + ح1ح2ح3ح4ح5ح6ح7؛
DEF - گەوگرافيالىق بەلگىلى اۋماققا بايلانىسسىز ۇيىمداستىرىلعان گەوگرافيالىق انىقتالمايتىن نومىرلەۋ اۋماقتارىنىڭ ۇيالى بايلانىس وپەراتورلارىنا بولىنەتىن ءۇش سيفردان تۇراتىن كود؛
ح1ح2ح3ح4ح5ح6ح7 - ابونەنتتىڭ ۇيالى بايلانىس جەلىسىندەگى جەتى سيفردان تۇراتىن ءنومىرى.
2) ءوزىنىڭ كوشىرىلگەن نومىرلەردىڭ لوكالدىق دەرەكقورلارىن پايدالانۋمەن كوشىرىلگەن ابونەنتتىك نومىرگە قوسىلۋلاردى باعىتتاۋ كەزىندە All Call Query تەحنولوگياسىن قولدانۋدى قامتاماسىز ەتەدى.

 ۇيالى بايلانىس وپەراتورلارى:
1) انودق وپەراتورىنا وسى قاعيدالاردىڭ 9-تارماعىنىڭ 1) جانە 2) تارماقشالارىنا سايكەس ابونەنتتىك نومىرلەر تۋرالى مالىمەتتەردى ۇسىنۋدى؛
2) كوشىرىلەتىن ابونەنتتىك نومىرلەردى ءوزىنىڭ نومىرلەۋ رەسۋرسىنا ەنگىزۋدى جانە جاسالعان شارتتىڭ قولدانىستا بولۋ مەرزىمىندە ۇيالى بايلانىس قىزمەتتەرىن كورسەتۋ قاعيدالارىندا بەلگىلەنگەن تارتىپپەن ۇيالى بايلانىس قىزمەتتەرىن كورسەتۋدى؛
3) رەسيپيەنتتىڭ باسقا ۇيالى بايلانىس وپەراتورىنىڭ جەلىسىنە كوشىرۋگە جاتاتىن ابونەنتتىك ءنومىردى بەرۋىن؛
4) ابونەنتتىك ءنومىردى كوشىرۋدى جۇزەگە اسىرۋ مەن ءوزىنىڭ جەلىسىندە كوشىرىلگەن ابونەنتتىك ءنومىر بويىنشا قىزمەتتەردى تيىسىنشە كورسەتۋگە ءوز جەلىلەرىنىڭ تەحنيكالىق دايىندىعىن؛
5) پايدالانىلاتىن تەحنولوگياعا، ۇيالى بايلانىستىڭ كورسەتىلەتىن قىزمەت تۇرىنە، ابونەنتتىڭ بايلانىس قىزمەتتەرىنە اقى تولەۋ ادىسىنە بايلانىسسىز ابونەنتتىك نومىرلەردى ۇيالى بايلانىس جەلىلەرىندە كوشىرۋدى؛
6) ابونەنتتىك نومىرلەردى ۇيالى بايلانىس جەلىلەرىندە كوشىرۋ شارتتارى تۋرالى حالىققا اقپارات بەرۋدى.

انودق وپەراتورى:
1) انودق قالىپتاستىرۋدى، جۇمىس ىستەۋى مەن سۇيەمەلدەۋدى جانە ابونەنتتىك نومىرلەردى كوشىرۋدى جۇزەگە اسىرۋ ءۇشىن ۇيالى بايلانىس وپەراتورلارىنىڭ ونىڭ رەسۋرستارىنا قول جەتكىزۋىن؛
2) ابونەنتتىك نومىرلەردى كوشىرۋدى جۇزەگە اسىرۋ پروسەسىندە ورىن الاتىن ۇيالى بايلانىس وپەراتورلارى اراسىنداعى ءوزارا ءىس-قيمىلدى؛
3) كوشىرىلگەن ابونەنتتىك نومىرلەر تۋرالى اقپاراتتى وزەكتىلەندىرۋ (دەرەكتەردى سينحرونداۋ) ءۇشىن انودق-عا قوسىلعان بايلانىس وپەراتورلارىنىڭ لوكالدىق دەرەكقورلارىمەن انودق ءوزارا ءىس-قيمىلىن؛
4) كوشىرىلگەن ابونەنتتىك نومىرلەر تۋرالى اقپاراتتى انودق-عا ەنگىزۋدى (اقپاراتتى ابونەنتتىك نومىرلەردى كوشىرۋ ءراسىمى پروسەسىندە جاڭارتۋ)؛
5) كوشىرىلگەن ابونەنتتىك نومىرلەر تۋرالى دەرەكتەردى سانكسيالانباعان قول جەتكىزۋدەن قورعاۋدى؛
6) بايلانىس وپەراتورلارىن كوشىرىلگەن ابونەنتتىك نومىرگە قىزمەت كورسەتەتىن ۇيالى بايلانىس وپەراتورىنىڭ اۋىسۋى تۋرالى حابارلاندىرۋدى قامتاماسىز ەتەدى.

 ابونەنتتىك نومىرلەردى كوشىرگەن كەزدە ۇيالى بايلانىس وپەراتورلارى ءوزارا ءىس-قيمىلدى تەك قانا انودق ارقىلى جۇزەگە اسىرادى.
 اقپاراتپەن الماسۋدى قوسا العاندا، ابونەنتتىك نومىرلەردى انودق-عا كوشىرۋ پروسەسى اۆتوماتتاندىرىلعان رەجيمدە جۇزەگە اسىرىلادى.

ۇيالى بايلانىس وپەراتورلارى ءوز جەلىلەرىندە ابونەنتتىك ءنومىردىڭ كوشىرىلۋىن قامتاماسىز ەتۋ بويىنشا بارلىق شىعىنداردى دەربەس وتەيدى جانە انودق-داعى اقپاراتقا قول جەتكىزۋگە رۇقسات بەرگەنى ءۇشىن انودق وپەراتورىنا اقى تولەۋدى جۇزەگە اسىرادى.

 انودق جۇمىس ىستەۋىن جانە انودق-عا قولجەتىمدىلىكتى قامتاماسىز ەتۋدىڭ باعالارىن قالىپتاستىرۋدى انودق وپەراتورى قازاقستان رەسپۋبليكاسى
ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى № 178 بۇيرىعىمەن بەكى­تىلگەن مەملەكەتتىك مونوپوليا سۋبەكتىسى وندىرەتىن جانە وتكىزەتىن تاۋارلارعا باعا بەلگىلەۋ قاعيدالارىنا سايكەس جۇزەگە اسىرادى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10150 بولىپ تىركەلگەن).

بايلانىس وپەراتورلارىنىڭ جانە انودق وپەراتورىنىڭ ءوزارا ءىس-قيمىل جانە ءوزارا ەسەپتەسۋ پروسەسى بايلانىس وپەراتورلارى مەن انودق وپەراتورى اراسىندا جاسالعان شارتتىڭ تالاپتارىمەن ايقىندالادى.

 ابونەنتتىك ءنومىردى ۇيالى بايلانىس جەلىلەرىندە كوشىرگەن كەزدە ابونەنتتىڭ دەربەس شوتىندا جۇمسالماعان اقشالاي قاراجاتى ايقىندالعان جاعدايدا، اقشالاي قاراجاتتى قايتارۋ ابونەنتتىڭ ءوتىنىشى نەگىزىندە جۇرگىزىلەدى.

5. ابونەنتتىك ءنومىردى قايتارۋ ءتارتىبى

 ابونەنتتىك ءنومىردى كوشىرگەننەن كەيىن ابونەنت ونى ءبىر جىلدان ارتىق قولدانباعان جاعدايدا بۇل ءنومىر باستاپقى وپەراتورىنا قايتارۋعا جاتادى.
بۇل رەتتە رەسيپيەنت انودق-عا ابونەنتتىك ءنومىردى باستاپقى وپەراتورعا قايتارۋ تۋرالى سۇراۋ سالۋ جىبەرەدى.

انودق-عا ابونەنتتىك ءنومىردى كەرى قايتارۋ مۇمكىندىگىن تەكسەرەدى:
1) ءنومىردىڭ رەسيپيەنتكە تيەسىلىگى؛
2) بەلسەندى ءنومىردى كوشىرۋ پروسەسىنىڭ بولۋى نەمەسە بولماۋى؛
3) ءنومىردى كەرى قايتارۋعا سۇراۋ سالۋ فورماتىنىڭ دۇرىس تولتىرىلۋى.

 سۇراۋ سالۋدى راستاعان جاعدايدا انودق وپەراتورلاردى جەلىدەگى كونفيگۋراسيانىڭ وزگەرۋى مەن باعىتتاۋدى وزگەرتۋ قاجەتتىلىگى تۋرالى حابارلاندىرا وتىرىپ، رەسيپيەنت پەن باستاپقى وپەراتورعا ءنومىردى كەرى قايتارۋ تۋرالى ەركىن نىساندا حابارلاما جىبەرەدى.

 باستاپقى وپەراتور قايتارىلعان ابونەنتتىك ءنومىردى العانى تۋرالى رەسيپيەنتكە انودق ارقىلى ەركىن نىساندا حابارلايدى.

ابونەنتتىك ءنومىردى قاتەلىكپەن كوشىرگەن جاعدايدا، رەسيپيەنت انودق-عا انىقتالعان قاتەلىك جانە ابونەنتتىك ءنومىردى قايتارۋ تۋرالى حابارلاندىرۋ جىبەرەدى.

 انودق ابونەنتتىك ءنومىردى قايتارۋ مۇمكىندىگىن، ابونەنتتىك ءنومىردىڭ دونورعا تيەسىلىگىن، بەلسەندى كوشىرۋ پروسەسىنىڭ بولۋىن تەكسەرەدى.
تەكسەرۋ ءساتتى ورىندالعان جاعدايدا، انودق رەسيپيەنتكە ابونەنتتىك ءنومىردى كەرى قايتارۋ تۋرالى سۇراۋ سالۋدى راستاۋ جانە دونورعا قاتە ءنومىردى كەرى قايتارۋ تۋرالى حابارلاندىرۋلار جىبەرەدى.
قاتە كوشىرۋدى كەرى قايتارۋعا ارنالعان سۇراۋ سالۋدا قاتەلەر انىقتالعان جاعدايدا، انودق رەسيپيەنتكە قاتەلىكپەن كوشىرىلگەن ابونەنتتىك ءنومىردى قايتارۋدان باس تارتۋ تۋرالى حابارلاما جىبەرەدى.
رەسيپيەنت قاتەلەردى جويادى جانە سۇراۋ سالۋدى قايتادان انودق-عا جىبەرەدى.

 انودق-دان قاتەلىكپەن كوشىرىلگەن ابونەنتتىك ءنومىردى كەرى قايتارۋ تۋرالى حابارلاما العاننان كەيىن دونور سۇراۋ سالۋدى تەكسەرۋدى ورىندايدى. تەكسەرۋ مەرزىمى 30 مينۋتتى قۇرايدى.

 ابونەنتتىك ءنومىردىڭ قاتەلىكپەن كوشىرىلۋى انىقتالعان جاعدايدا مۇنداي ابونەنتتىك ءنومىردى كەرى قايتارۋ پروسەسىنە دونور ابونەنتتىڭ جازباشا ءوتىنىشىنىڭ نەمەسە دونوردىڭ اقپاراتتىق-انىقتامالىق قىزمەتىنە جۇگىنۋى نەگىزىندە باستاماشىلىق ەتەدى.

دونور قاتەلىكپەن كوشىرىلگەن ابونەنتتىك ءنومىردى كەرى قايتارۋ تۋرالى سۇراۋ سالۋدى انودق-عا جىبەرەدى.

 قاتەلىكپەن كوشىرىلگەن ابونەنتتىك ءنومىردى كەرى قايتارۋعا سۇراۋ سالۋدى العان كەزدە انودق ابونەنتتىك ءنومىردى كوشىرۋ مۇمكىندىگىنە قاتىستى:
1) ابونەنت مالىمەتتەرىن تولتىرىلۋىن؛
2) وسى ابونەنتتىك ءنومىردى كوشىرۋگە بەلسەندى وتىنىمدەردىڭ بولۋىن تەكسەرۋدى ورىندايدى.

تەكسەرۋ ءساتتى ورىندالعان جاعدايدا، انودق سۇراۋ سالۋدى العانىن دونورعا راستايدى جانە ونى قاتەلىكپەن كوشىرىلگەن ابونەنتتىك ءنومىرى بار ۇيالى بايلانىس وپەراتورىنا جىبەرەدى.

قاتە كوشىرۋدى كەرى قايتارۋعا ارنالعان سۇراۋ سالۋدا قاتەلەر انىقتالعان جاعدايدا، انودق سەبەبىن كورسەتە وتىرىپ، دونورعا قاتەلىكپەن كوشىرىلگەن ابونەنتتىك ءنومىردى كەرى قايتارۋدان باس تارتۋ حابارلاما جىبەرەدى.

انودق-دان قاتەلىكپەن كوشىرىلگەن ابونەنتتىك ءنومىردى كەرى قايتارۋ تۋرالى حابارلاما العاننان كەيىن ۇيالى بايلانىس وپەراتورى سۇراۋ سالۋدى تەكسەرۋدى ورىندايدى، بۇل رەتتە تەكسەرۋ مەرزىمى 30 مينۋتتان اسپاۋى ءتيىس.

 قاتەلىكپەن كوشىرىلگەن ابونەنتتىك ءنومىرى بار وپەراتور تەكسەرۋدىڭ ناتيجەلەرى بويىنشا انودق-عا قاتەلىكپەن كوشىرىلگەن ابونەنتتىك ءنومىردى كەرى قايتارۋ پروسەسىن باستاۋ نەمەسە سەبەبىن كورسەتە وتىرىپ، ودان باس تارتۋ تۋرالى راستاۋ جىبەرەدى.

 قاتەلىكپەن كوشىرىلگەن ابونەنتتىك ءنومىرى بار وپەراتور 30 مينۋت ىشىندە قاتەلىكپەن كوشىرىلگەن ابونەنتتىك ءنومىردى كەرى قايتارۋى نەمەسە باس تارتۋى تۋرالى انودق حابارلاندىرماعان جاعدايدا، انودق دونورعا قاتەلىكپەن كوشىرىلگەن ابونەنتتىك ءنومىردى كەرى قايتارۋدى راستاۋ تۋرالى اۆتوماتتى تۇردە حابارلايدى.

انودق-دان قاتەلىكپەن كوشىرىلگەن ابونەنتتىك ءنومىردى كەرى قايتارۋ تۋرالى حابارلامانى العان ساتتەن باستاپ دونور 30 مينۋت ىشىندە ابونەنتكە كورسەتىلەتىن قىزمەتتى ىسكە قوسۋدى جۇرگىزەدى. كورسەتىلەتىن قىزمەتتەر ءساتتى قوسىلعاننان كەيىن دونور انودق-عا ابونەنتتىك ءنومىردى ىسكە قوسۋ تۋرالى راستاۋ جىبەرەدى.