مەملەكەت باسشىسى نۇرسۇلتان نازاربايەۆ  قازاقستان رەسپۋبليكاسى پرەزيدەنتى اكىمشىلىگىنىڭ قىزمەتكەرلەرىمەن كەزدەستى، - دەپ حابارلادى اقوردانىڭ باسپا ءسوز قىزمەتى.

شاراعا سونداي-اق پرەزيدەنتى اكىمشىلىگىنىڭ باسشىسى ن.نىعماتۋلين، مەملەكەتتىك حاتشى گ.ءابدىقالىقوۆا، پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ن.ەرمەكبايەۆ، قۇرىلىمدىق بولىمشەلەردىڭ جەتەكشىلەرى قاتىستى.

كەزدەسۋ بارىسىندا پرەزيدەنت اكىمشىلىگىنىڭ 2015 جىلعى قىزمەتىنىڭ قىسقاشا قورىتىندىلارى شىعارىلدى.

نۇرسۇلتان نازاربايەۆ تاۋەلسىزدىكتىڭ 25 جىلدىعى قارساڭىندا ەل الدىندا ماڭىزدى مىندەتتەر تۇرعانىن، ولاردى ويداعىداي جۇزەگە اسىرۋ كوپ جاعدايدا مەملەكەتتىك قىزمەتشىلەردىڭ كاسىپقويلىعىنا بايلانىستى ەكەنىن اتاپ ءوتتى.

سونداي-اق مەملەكەت باسشىسى قاتىسۋشىلاردى كەلە جاتقان جاڭا جىلمەن قۇتتىقتاپ، مىقتى دەنساۋلىق، جەمىستى قىزمەت جانە يگىلىك تىلەدى.