1 قاڭتاردان باستاپ استانادا جىلۋ، سۋ جانە ەلەكتر ەنەرگياسىن تۇتىنۋ باعاسى قىمباتتادى، - دەپ حابارلايدى كازتاگ.

«استانا-تەپلوترانيزيت» اق، «استانا-رەك» اق، «استانا سۋر ارناسى» مكك-نىڭ ۇسىنىستارى قاراستىرىلىپ، 2016-2020 جىلدارعا ارنالعان تاريفتەر دەڭگەيى بەكىتىلدى. ول تاريفتەر 2016 جىلدىڭ 1 قاڭتارىنان باستاپ كۇشىنە ەنەدى»، - دەلىنگەن استانا قالالىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى تاراتقان حابارلامادا.

سونىمەن، «استانا-رەك» ۇسىناتىن ەلەكتر ەنەرگياسىنىڭ باعاسى بۇرىن كۆت/ساعاتىنا 2،89 تەڭگە بولسا 2016 جىلى قوسىمشا قۇن سالىعىنسىز 3 تەڭگە، 2017 جىلى 3،06 تەڭگە، 2018 جىلى 3،08 تەڭگە، 2019 جىلى 3، 10 تەڭگە، 2020 جىلى 3،11 تەڭگەگە وسەتىن بولىپ بەكىتىلدى.

 ال، اۋىزسۋ باعاسى («استانا سۋر ارناسى» مكك) تەكشە مەترى ءۇشىن ققس قوسپاعاندا 72،49 تەڭگەدەن 94،25 تەڭگەگە ءوسىپ وتىر. سونداي-اق، تۇرعىنداردىڭ سۋدى پايدالانۋ دەڭگەيىنە قاراي ديففەرەنسيالدى ءتاريفى الىنىپ تاستالدى. ەندى بارلىق تۇرعىندار ءۇشىن قانشا سۋ پايدالانعانىنا قاراماستان ءبىرىڭعاي تاريف قولدانىلماق.

جىلۋ باعاسى دا الداعى بەس جىلدا وسە بەرمەك. ياعني، 2016 جىلى 1 گكال جىلۋ ءۇشىن 1070 تەڭگە، 2017 جىلى 1134 تەڭگە، 2018 جىلى 1202 تەڭگە، 2019 جىلى 1262 تەڭگە، 2020 جىلى 1325 تەڭگەگە وسپەك. بۇل باعالارعا قوسىمشا قۇن سالىعى ەنبەگەن.