ءانشى ارمان قوڭىردىڭ ۇيىندە تۇسىرىلگەن “جۇلدىزدى شاڭىراق” باعدارلاماسىن تاماشالاعان حالىقتىڭ دەنى اشا ماتايدى كوپ سويلەيتىن كەلىنگە تەڭەدى جانە قىزىن كوپ ماقتاعان اكەسىنىڭ اڭگىمەسىن ابەستىككە سانادى، - دەپ حابارلايدى «قامشى» پورتالى Nur.kz-كە سىلتەمە جاساپ.

اشا ماتايدىڭ اكەسى “وبراتنايا ستورونا” فيلمىندە باستى رولدەردىڭ ءبىرىن سومداعان قىزىنا جالاڭاش كۇيىندە دۋشقا تۇسەتىن ەپيزود جايىندا ۇسىنىس تۇسكەن ءساتتى  داستارحان باسىنداعى جۇرتتىڭ كوزىنشە بايانداپ بەردى. العاشىندا كينوعا تۇسۋدەن باس تارتقان اشاعا اكەسى ءوز كەڭەسىن ايتقان.

“سەن پەردەنىڭ ارتىندا تۇراسىڭ. ءتۇس. وندا تۇرعان نە بار؟ دۋشتىڭ ار جاعىندا ادەمى قىزدىڭ سيلۋەتى، ونى بۇكىل قازاقستان كورۋ كەرەك، كيىممەن ەمەس، بىلاي دا ادەمى ەكەنىڭدى، سەن بىرەۋمەن قۇشاقتاسىپ، ءسۇيىسىپ تۇرعان جوقسىڭ، جالعىز ءوزىڭ دۋشقا ءتۇسىپ تۇرسىڭ دەدىم. كورسەتەتىن جەرىڭ بار ەكەن، كورسەت دەدىم “، – دەپ اعىنان جارىلدى اشانىڭ اكەسى.

ال اناسىنان مۇنداي ۇسىنىسقا دەگەن پىكىرىن سۇراعان جۋرناليسكە ءانشىنىڭ اناسى تاعى ءبىر “قىزىقتى” جاعدايدى ورتاعا سالدى.

“ءبىر كۇنى اشا ساحنالىق كويلەگىن ۇيدە ۇمىتىپ كەتىپ، كونسەرتكە باسقا كويلەك كيىپ شىعۋىنا تۋرا كەلدى. الگى كويلەگى قىسقا بولاتىن. كونسەرتتەن كەيىن اكەسى اشانى كورىپ، “قىزىم وسىنداي كويلەك كيىپ ءجۇر، تاعى دا قىسقاراق كيسەڭ، “سەكسۋالنىي” بولاسىڭ” دەدى. مىنە اكەمىز وسىنداي “، – دەدى اشانىڭ اناسى باتەس.

اشانىڭ جۇبايى ارمان دا، ونىڭ اتا-اناسى دا باعدارلاما بارىسىندا ۇستامدى بولىپ، كوسىلىپ سويلەگەن  جوق. تەك كەلىندەرىنىڭ اقجارقىن ەكەنىن  ايتا وتىرىپ، ورامال تاقپاۋعا رۇقسات بەرگەنىن ايتىپ ءوتتى.

باعدارلامانى تەلەديداردان تاماشالاعان جەلى قولدانۋشىلارى قوس ءانشىنىڭ ۇيىندەگى سۇحباتتى قىزۋ تالقىعا سالدى. ءبىرى قۇدالارىنان قىسىلماعان اشانىڭ اكەسىن سوكسە، ءبىرى تىم كوپ كۇلگەن اشانى سىناۋدا.

“بۇكىل باعدارلامانى قاراساق، اشا وتە كوپ سويلەيدى ەكەن، كۇيەۋى، قايىن اعاسى، ەنەسىنىڭ الدىندا كوپ كۇلە بەرەتىنى دە ەرسىلەۋ مە، بىلمەيمىن، سىزدە شىنايىلىقتان گورى جاساندىلىق باسىم سياقتى. رەنجىمەڭىز”، – دەپ جازادى اينۇر سابىر ەسىمدى قولدانۋشى.

تىڭدارماندار اشا ماتايعا كەلىننىڭ كىشىرەيىپ جۇرەتىنىن، ەرىنەن بۇرىن ءسوز باستاماعانى دۇرىس ەكەنىن جارىسا جازۋدا.