قوستاناي وبلىسىنان بۇرىن-سوڭدى كەزدەسپەگەن ماقۇلىق تابىلدى، - دەپ حابارلايدى «قامشى» پورتالى Kostanaytany.kz-كە سىلتەمە جاساپ.

باسىلىمنىڭ جازۋىنشا، جانۋار اۋليەكول اۋدانىنىڭ باعانالى اۋىلىنان تابىلعان. وتكەن جىلى قازان ايىندا اۋىلعا بىرنەشە توننا كومىر تۇسىرىلەدى. بىرەر كۇن بۇرىن مەكتەپ جۇمىسشىلارى سول كومىرلەردىڭ اراسىنان كولەمى بولكە نانداي بولاتىن تۇسىنىكسىز ماقۇلىقتى تاۋىپ العان.

"سىرتقى قاباتى جەلىم سياقتى جابىسقاق. جۇمىرتقاعا مۇلدە ۇقسامايدى. ىشىنەن 20 سانتيمەتردەي بولاتىن قۇرتقا ۇقساس جاندىك شىقتى. قاتتى تاڭىرقاعان جۇمىسشىلار جاندىكتى مەكتەپتەگى ەڭبەك كابينەتىنە اكەلىپ، ءتۇر-سيپاتىن انىقتاپ كورۋ ءۇشىن سۋ قۇيعان. سول كەزدە ماقۇلىقتىڭ قۇيرىق جاعى ۇرلەنىپ، ازداپ قيمىلداي باستايدى. كەيىن جاندىكتىڭ ءتۇسى كوك بولىپ وزگەرگەن"، - دەلىنگەن باسىلىمدا. سونىمەن قاتار، جاندىكتىڭ ءتىسى بارى انىقتالعان.

اۋىل تۇرعىندارى وسى جاعدايعا بايلانىستى اۋىل اكىمىمەن بايلانىسادى. ول تۇرعىندارعا قوستانايداعى عىلىمي-زەرتتەۋ ورتالىعىنا حابارلاسۋعا كەڭەس بەرىپتى. "تۇرعىندار عالىمدارعا حابار بەرگەن. ءقازىر بۇل جاندىكتىڭ 30 گرادۋس ايازدا قالاي ءولىپ قالماعانى انىقتالىپ جاتىر. جاندىكتىڭ سىرتقى كەلبەتى جىلانعا دا، باسقا تىرشىلىك يەلەرىنە دە ۇقسامايدى"، - دەپ حابارلادى جەرگىلىكتى باسىلىم.

ايتا كەتەيىك، بەيمالىم تىرشىلىك يەسىن اۋىل تۇرعىندارىنىڭ ءبىرى ۇيىنە اكەتكەن.