قازاقستان حالىقارالىق ساۋدا-ساتتىق ساياساتىن زەرتتەۋ ينستيتۋتى (حسسزي) قۇرعان الەم بويىنشا ەڭ اشىققان ەلدەر رەيتينگىندە 16-ورىندى يەلەندى.  Global Hunger Index رەيتينگىسىنە سايكەس، قازاقستاندا حالىقتىڭ 2،5 پايىزى كۇندەلىكتى نانىن تاپپاي وتىر.

104 مەملەكەت قاتىسقان رەيتينگتە ەلىمىزدىڭ يندەكسى 8ء-دى قۇراعان. 1995 جىلى بۇل يندەكس 15،4ء-تى، 2000 جىلى 10،7ء-نى، 2005 جىلى 12،3ء-تى قۇراعان ەكەن.

اش حالىق سانى ەڭ كوپ ەل — ورتالىقافريكالىق رەسپۋبليكاسى. وندا تۇرعىنداردىڭ 47،7 پايىزى اشتىققا ۇشىراعان. جاعدايى تومەن تۇرعىندار كوبىنە چاد، زامبيا، شىعىس تيمور، سەررا-لەونە، گايتي، ماداگاسكار جانە اۋعانستاندا كەزىگىپ جاتادى.

رەسەيدە حالىقتىڭ 0،7 پايىزى اشتىقتان زارداپ شەگۋدە. بەلورۋسسيادا — 0،8 پايىز، ۋكراينادا — 1،2 پايىز. پوستكەڭەستىك رەسپۋبليكالار ىشىندە ەڭ ناشار كورسەتكىش تاجىكستاننان بايقالدى (33،2 پايىز).

بولگاريادا — 9 پايىز، مولداۆيادا — 12،2 پايىز، وزبەكستاندا — 13،3 پايىز، قىرعىزستاندا — 8 پايىز، ال تۇركىمەنستاندا — 32 پايىز تۇرعىندار اشتىققا دۋشار بولعان. سولتۇستىك كورەيادا حالىقتىڭ 41 پايىزى كۇندەلىكتى نانىن تاپپاي وتىر.

ال قازاقستان الەمدەگى اش ەلدەر رەيتينگىندە وزبەكستان مەن تاجىكستاندى باسىپ وزعان.

رەسەي اتالعان رەيتينگتە 11-ورىندى، قىرعىزستان 27-ورىن، وزبەكستان 43-ورىندى، تۇركمەنستان 40-ورىندى يەلەنگەن. بۇل ساناققا اشتىق يندەكسى 5-تەن تومەن ەلدەر قاتىستىرىلماعانىن ەستەرىڭىزگە سالامىز.