ءال-فارابي اتىنداعى قازاق ۇلتتىق ۋنيۆەرسيتەتىندە جىل سوڭىندا ادەتتەگىدەي اقساقالدار كەڭەسىنىڭ قورىتىندى وتىرىسى ءوتىپ، وندا ۋنيۆەرسيتەتتىڭ عىلىمي، وقۋ، قوعامدىق جۇمىستارى مەن اسا وزەكتى ماسەلەلەر تالقىلاندى.

العى ءسوزدى العان قازۇۋ رەكتورى عالىمقايىر مۇتانوۆ، قوعامدىق اقساقالدار كەڭەسىنىڭ جاڭا مۇشەلەرىن ۇسىندى. فيلولوگيا عىلىمدارىنىڭ دوكتورى بەرىكباي ساعىندىق ۇلى مەن فيزيكا-ماتەماتيكا عىلىمدارىنىڭ دوكتورى زەينوللا جاڭابايەۆ ءبىر اۋىزدان ماقۇلداندى. قازۇۋ اقساقالدار كەڭەسى عىلىم مەن ءبىلىم سالاسىنا ۇلكەن ۇلەس قوسقان ۋنيۆەرسيتەتتىڭ اسا بەدەلدى، تاجىريبەلى 15 عالىمنان تۇرادى.

قازۇۋ ءبىرىنشى پرورەكتورى مۇحامبەتقالي بۇركىتبايەۆ ءوتىپ بارا جاتقان 2015 جىلدا اتقارىلعان جۇمىستار تۋرالى بايانداماسىن باياندادى. وندا كورسەتىلگەنىندەي، قازۇۋ نەگىزگى جەتىستىكتەرىنىڭ ءبىرى - الەمدىك ۇزدىك 800 ۋنيۆەرسيتەتتەردىڭ اراسىنداعى QS رەيتينگىسىندە سوڭعى جىلدا 30 ساتىدان اتتاپ، 275 ورىنعا كوتەرىلۋى. قازۇۋ تۇڭعىش رەت قازاقستان جانە ورتالىق ازيا ۋنيۆەرسيتەتتەرى اراسىندا وسىنداي ايتۋلى جەتىستىككە جەتتى. شەتەلدىك ساراپشىلاردىڭ پىكىرىنشە، قىسقا مەرزىم ىشىندە الەمنىڭ ەڭ ۇزدىك 300 ۋنيۆەرسيتەتى قاتارىنان كورىنۋ – ناعىز الەمدىك فەنومەن. بۇگىندە قازۇۋ كادر ۇستاحاناسىنا اينالعان ىرگەلى وقۋ ورنى كلاسسيكالىق ۇلگىدەن زەرتتەۋ ۋنيۆەرسيتەتىنە اينالۋدى كوزدەپ وتىرعاندىعىن ايتا كەتۋ كەرەك.

سوڭعى جىلدارى ۋنيۆەرسيتەت قابىرعاسىندا «يدەيا تۋدىرۋىنان ونى كوممەرسيالاۋعا دەيىن» اتتى تەحنولوگيالىق ءدالىز قۇرىلىپ، ءتيىمدى جۇمىس جاسالۋدا. 2015 جىلى قازۇۋ عالىمدارى مەن قىزمەتكەلەرى 21 وڭ شەشىم الىپ، 90 پاتەنتكە يە بولدى. ونىڭ 3-ەۋى اقش مەملەكەتى تاراپىنان بەرىلدى. ۋنيۆەرسيتەت عالىمدارى مەن قىزمەتكەرلەرى  600 جوبانى جۇزەگە اسىرىپ، 172 حالىقارالىق قورلار مەن ۇيىمداردىڭ گرانتتارىنا يە بولدى. سونىمەن قاتار Thomson Reutersي Scopus مالىمەتتەر بازاسىنا كىرەتىن عىلىمي باسىلىمدارىندا شىققان ءاربىر 5ء-شى ماقالا قازۇۋ عالىمدارىنا تيەسىلى، ءارى حيرشا يندەكسىنىڭ 2015 جىلى جالپى سانى 661 قۇرادى. ءال-فارابي اتىنداعى قازاق ۇلتتىق ۋنيۆەرسيتەتىندە وسى وتكەن كەزەڭدە كەشەندى قۇرىلىمدىق جاڭعىرتۋ جۇرگىزىلىپ، ناتيجەگە باعىتتالعان مەنەدجمەنت پروسەسىن باسقارۋ جانە جەتىستىكتى رەيتينگتىك باعالاۋ جۇيەلەرى ەنگىزىلدى.

الەمنىڭ جەتەكشى ۋنيۆەرسيتەتتەرى ۇلگىسىمەن قازۇۋ-دا حالىقارالىق جوعارى ستاندارتقا ساي جانە حالىقارالىق تىركەۋدەن وتكەن تاجىريبەلىك ءبىلىم باعدارلامالارى وقۋ پروسەسىنە ەنگىزىلدى. ۋنيۆەرسيتەتتىڭ جەمىستى جۇمىس قورىتىندىلارىنىڭ ءبىرى - الەمدىك جەتەكشى جوعارى وقۋ ورىندارىنىڭ (Eو، اقش، MDP/Global Classroom، جاپونيا، تمد جانە تب.) ەكى ديپلومدىق باعدارلامالارىن جۇزەگە اسىرۋ بولدى. قازۇۋ زەرتحانالارى روستوك ۋنيۆەرسيتەتىندە (المانيا)، كاراچي ق. ينستيتۋتىندا (پاكىستان)، يوردانيادا ءال-فارابي ورتالىعى اشىلىپ، سۋكۋبا ۋنيۆەرسيتەتىمەن «كامپۋستاعى كامپۋس» اتتى جوبا  ىسكە اسىرىلۋدا (جاپونيا).

قازاقستاندا  العاش رەت ۋنيۆەرسيتەت بازاسى نەگىزىندە حالىقارالىق UNIFORM ستۋدەنتتىك جوباسىن جۇزەگە اسىرۋ اياسىندا توكيو ۋنيۆەرسيتەتىمەن بىرگە «ءال-فارابي-1» جانە «ءال-فارابي-2» عىلىمي - تەحنولوگيالىق نانوسپۋتنيكتەر جاسالدى. سونداي-اق، «يندۋستريالدى-يننوۆاسيالىق دامۋدىڭ مەملەكەتتىك باعدارلاماسى–2» (ييدمب-2) بويىنشا كادرلار دايارلانۋدا.

ۋنيۆەرسيتەتتە «Hewlett-Packard»، «Samsung»، «Cisco»، «Konikca minolta»، «Microsoft»، «Alcatel» كومپانيالاردىڭ وقۋ جانە عىلىمي-زەرتتەۋ ورتالىقتارى قۇرىلىپ جۇمىس ىستەۋدە. ستۋدەنتتىك بيزنەس-ينكۋباتور قۇرىلىپ، Start-up ي Spin-off كومپانيالار جولعا قويىلعان. حالىقارالىق ىنتىماقتاستىق، اكادەميالىق موبيلدىلىك، الەۋمەتتىك سەرىكتەستىك سالاسىندا دا ۋنيۆەرسيتەتتىڭ دامۋ قارقىنى جوعارى. جۇمىس بەرۋشىلەر اراسىندا قازۇۋ تۇلەكتەرىنە سۇرانىس كوپ.

تاعىدا ءبىر ايتۋلى جەتىستىكتەردىڭ ءبىرى - قازاقستان رەسپۋبليكاسىنىڭ پرەزيدەنتى ن.نازاربايەۆتىڭ عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى جارلىعىمەن قازۇۋ-دىڭ  ەكسپەريمەنتتىك جانە تەوريالىق فيزيكا عىلىمي-زەرتتەۋ ينستيتۋتىنىڭ ءبىر توپ عالىمدارى مەملەكەتتىك سىيلىقتىڭ لاۋرەاتتارى اتاندى.

اقساقالدار القاسى قازۇۋ-دا جاڭادان 15ء-شى مەديسينالىق فاكۋلتەت – قوعامدىق دەنساۋلىق ساقتاۋ مەكتەبىنىڭ اشىلۋىن جوعارى باعالادى. مۇندا باكالاۆريات، ماگيستراتۋرا، رەزيدەنتۋرا، دوكتورانتۋرا - ءبىلىم بەرۋدىڭ بارلىق دەڭگەيىندەگى مەديسينالىق كادرلاردى دايىنداۋ باعدارلامالارى حالىقارالىق ستاندارتتارعا ساي جانە سوڭعى عىلىمي جەتىستىكتەرگە نەگىزدەلىپ جۇزەگە اسادى.

باياندامانى تىڭداعان عالىم اقساقالدار ۋنيۆەرسيتەت جۇمىسىنا وڭ باعا بەرە وتىرىپ، گۋمانيتارلىق عىلىم وكىلدەرىن ءىرى جوبالارعا تارتىپ، عىلىمعا قاجەتتى سۇبەلى عىلىمي ەڭبەكتىڭ دۇنيەگە كەلۋىنە جاعداي جاساۋدىڭ قاجەتتىگىن جانە ارحەولوگيا مەن ەتنوگرافيا سالاسىنا ارنالعان وقۋلىقتاردى شىعارۋ تۋرالى ماسەلە كوتەردى. اقساقالدار كەڭەسىنىڭ ءتوراعاسى ق ر عىلىمىنا ەڭبەگى سىڭگەن قايراتكەرى، ق ر ۇعا اكادەميگى، ق ر جوعارعى مەكتەپ اكادەمياسىنىڭ اكادەميگى، زاڭ عىلىمدارىنىڭ دوكتورى، پروفەسسور سۇلتان سارتايەۆ جيىن سوڭىندا ۋنيۆەرسيتەتتىڭ بارلىق پروفەسسورلارى مەن ۇستازدارىن جاڭا 2016 جىلمەن قۇتتىقتاپ، شىعارماشىلىق تابىس پەن دەنساۋلىق تىلەپ، تمد ەلدەرى اراسىنداعى ۇزدىك ۋنيۆەرسيتەتتىڭ ودان ارى قاراي ورلەپ، جوعارى رەيتينگتەرگە جەتە بەرۋىنە باعىتتالعان اۋقىمدى جۇمىستاردى اتقارۋ قاجەتتىگىنە ءجىتى نازار اۋدارتتى.

گۇل باياندينا

قازۇۋ باسپا ءسوز قىزمەتى