ءانشى، سازگەر لۇقپان جولداسوۆ 50 جاس مەرەيتويىندا استانا قالاسىندا شىعارماشىلىق كەش وتكىزەدى. بۇل كۇن ءانشىنىڭ تۋعان كۇنىمەن تۇسپا-تۇس كەلىپ وتىر. كونسەرت استانا قالاسى اكىمدىگى، استانا قالاسى مادەنيەت باسقارماسى باسشىسىنىڭ قولداۋىمەن جۇزەگە اسقالى وتىر، - دەپ حابارلايدى "قامشى" پورتالى قازاقپاراتقا سىلتەمە جاساپ.

سونىمەن قاتار ءانشى شىعارماشىلىق كەشىن تاۋەلسىزدىگىمىزدىڭ 25 جىل قۇرمەتىنە ارنايتىنىن الەۋمەتتىك جەلىدەگى جەكە پاراقشاسىندا ايتىپ ءوتتى.

«ومىر-وزەن» دەگەن اتاۋ العان كونسەرتكە «مۋزارت»، قايرات نۇرتاس، تورەعالي تورەالى، التىناي جورابايەۆا، ءالي وقاپوۆ سياقتى قازاق ەستراداسىنىڭ جارىق جۇلدىزدارى قاتىسادى. سونىمەن قاتار، ءانشىنىڭ قول استىنان تۇلەپ ۇشقان «زامان» توبى، بەردىبەك قۇلعارايەۆ، ديماش قۇدايبەرگەنوۆتەر دە ونەر كورسەتەدى. ونەر جۇلدىزدارى سازگەردىڭ وسى ۋاقىتقا دەيىن جازعان اندەرىن ورىندايدى. بۇعان قوسا ءانشى كونسەرتتە ەرەكشە توسىنسىيلار بولاتىنىن ايتتى.