الماتى قالاسىنىڭ اكىمى باۋىرجان بايبەك بۇۇ باس حاتشىسىنىڭ ورىنباسارى شامشاد احتار حانىممەن كەزدەستى، - دەپ حابارلايدى «قامشى» پورتالى.

كەزدەسۋ بارىسىندا ش. احتار «الماتى - 2020» دامۋ باعدارلاماسى قالانى تۇراقتى دامىتۋدىڭ بىردەن-بىر جولى ەكەندىگىن اتاپ ءوتتى. سونداي-اق ول الەمدەگى ءىرى مەگاپوليستەردە دامۋ ماسەلەسىنە ايرىقشا نازار اۋدارىلاتىندىعىن ايتتى.

سونداي-اق، الەمدە كەڭىنەن ناسيحاتتالىپ جاتقان «Smart City» (اقىلدى قالا) تۇجىرىمداماس دا ءسوز بولدى.

«بۇگىنگى كۇنى وڭتۇستىك كورەيا وسىنداي قالالاردى قالىپتاستىرۋ جاعىنان الدا كەلەدى. تاياۋ ۋاقىتتا ءۇندىستاندا 100 اقىلدى قالا پايدا بولسا، جۇڭگو 221 اقىلدى قالانى قۇراتىندارىن جاريا ەتتى»، - دەدى شامشاد احتار.

كەزدەسۋ بارىسىندا بۇۇ باس حاتشىسىنىڭ ورىنباسارى قالا اكىمى ب. بايبەكتى تايلاندتىڭ بانگكوك قالاسىندا وتەتىن وڭتۇستىك - شىعىس ازيا ەلدەرىنىڭ جىل سايىنعى كونفەرەنسياسىنا قاتىسۋعا شاقىردى. بۇل كونفەرەنسيادا مەگاپوليستەردى دامىتۋ تاجىريبەلەرى ورتاعا سالىناتىن بولادى.

كەزدەسۋ سوڭىندا تاراپتار بۇدان بىلاي دا جەمىستى ىنتىماقتاستىققا سەنىمدى ەكەندىكتەرىن ايتتى.