Alty til biletin qazaq qyzy úndilikke turmysqa shyqty. Boıjetken ózinen on jas kishi úndilik azamatqa turmysqa shyqty, dep -habarlaıdy Qamshy.kz Nur.kz -ke silteme jasap.
Bul týraly úndilerdiń hindustantimes.com saıty jazǵan.
34 jastaǵy Janna Shalabaeva 24 jastaǵy Tıný Djangraǵa (Teenu Jangra) ekinshi maýsym kúni turmysqa shyqqan. Endigi jas jubaılar vıza máselesin sheshe almaı júrgen kórinedi. Sebebi, Jannanyń týrısik vızasy 2016 jyldyń birinshi tamyzynda bitedi.
Janna súıiktisin Saýd Arabıasynda jolyqtyrǵan. Tıný ol jerde balqytýshy bolyp qyzmet etken. Al Janna bilim alyp júrgen. Ekeýiniń arasynda mahabbat ushqyny týyndap, jastar nekesin qıýǵa bel býady.
29 mamyr kúni Janna Úndistanǵa kelip, Tınýmen Tohana ǵıbadathanasynda nekesin qıady. Neke qıý rásimi úndilik joralarǵa saı ótken.
"Úndilik toı ótkennen keıin biz birinshi kezekte vızany uzartý máselesin sheshýge kiristik", - deıdi Janna.
Jas jubaılardyń vızany uzartýda qıyndyqtarǵa tap bolǵany jergilikti basylymnyń nazaryna iligedi. Toǵyzynshy shilde kúni jarıa etilgen maqalany eldiń Odaq mınıstri baıqap qalǵan. Ol vıza máselesin taıaý arada sheshetinin málimdep, óz Tvıtter paraqshasynda jazba qaldyrypty. Janna jańa otbasynda baqytty ekenin aıtýda.
"Men osynda ekenime baqyttymyn. Kúıeýim men onyń jaqyndary maǵan túsinistikpen qaraıdy. Meniń jolym boldy", - deıdi Janna.
Al Tıný bolsa, alty til biletin kózi ashyq qyzǵa úılengenine qýanyshty. Ol taıaý arada Janna úndi tilin de úırenip alady degen úmitte.
"Ol ana tilinen bólek alty til biledi, aǵylshyn, fransýz, parsy tilderin qosqanda. Men kúnderdiń bir kúninde ol úndi tilin de úırenip alady degen úmittemin", - deıdi Tıný.
Al, qurmetti oqyrman, qazaq qyzynyń bul sheshimin qoldaý-qoldamaý jaǵyn ózderińizge qaldyrdyq.
