Japonıanyń Osaka qalasynda ótken IESO – 2016 Jer týraly halyqaralyq ǵylymı olımpıadasyna qatysqan Qazaqstannyń jas geologtary júldemen oraldy, - dep habarlaıdy Qamshy.kz.

Bul týraly Qazaqstannyń Investısıalar jáne damý mınıstri Jeńis Qasymbek habarlady.

«Esterińizde bolsa, osydan birneshe apta buryn Japonıanyń Osaka qalasynda ótken IESO – 2016 Jer týraly halyqaralyq ǵylymı olımpıadasyna bir top jas geologtarymyzdy shyǵaryp salǵan edik. Sol jas ǵalymdarymyz barsha qazaqstandyqtardyń senimin aqtap, elge júldemen oraldy. Astanalyq №4 gımnazıa-mektebiniń 10-synyp oqýshysy Álıa Jaǵyparova jeke synaqta qola medal jeńip aldy, oǵan qosa halyqaralyq komanda quramynda Jer týraly ǵylymdar jónindegi jobada (Earth Science Project) birinshi orynǵa ıe boldy. Al Nazarbaev zıatkerlik mektebiniń 10-synyp oqýshysy Ádıa Baımýrzına ITFI (Halyqaralyq komandalyq dalalyq zertteý) komandalyq saıysta birinshi orynǵa ıe boldy. Onyń synyptastary Ázıza Aımýhambetova men Arýjan Tólegenova da barlyq saıystarǵa belsendi qatysyp, jarysty abyroımen aıaqtady», - dep jazady ol.