Berlınniń tergeýshileri dúısenbi kúni keshke rojdestvolyq jármeńkege júk kóliginiń soǵysýy ádeıi jasalynǵan dep toqtamǵa keldi. Bul týraly Berlın polısıasynyń resmı tvıtter paraqshasynda jarıalandy.

Júk kóliginiń júrgizýshisi Polsha azamaty bolǵanyn polısıa rastady.  Dúısenbi kúni, keshki ýaqytta polısıa júk kóliginiń ıesin tutqyndaǵan. Kóliktegi ekinshi adam óli kúıinde tabyldy.

19 jeltoqsanda Berlındegi Kaızer Vılgelmniń Memorıaldy shirkeýiniń mańynda ótken rojdestvolyq jármeńkege barǵan adamdarǵa júk kóligi soǵysqan.  Oqıǵa jergilikti ýaqyt boıynsha keshki 8-de bolǵan.

 DPA agenttigi polısıaǵa silteme bere otyryp, júk kóliginiń jármenkeniń shekarasymen 50-80 metrge deıin saǵatyna 60-80 shaqyrym jyldamdyqpen júrgen.

Bir top adamdy qaqqan júk kóligi júk tasymalymen aınalysatyn polshalyq kompanıanyń menshigi. Onyń basshysy qaıǵyly oqıǵaǵa birneshe saǵat qalǵanǵa deıin olar júrgizýshimen baılanysty úzip alǵanyn aıtty.

Sońǵy málimetterge saı, qaıtys bolǵandardyń sany 12 adamǵa jetken. 50-i aýrýhanada.

Berlınniń ishki ister senatory Andreas Gaızel buǵan deıin oqıǵa shabýyl boldy ma álde kezdeısoq jaǵdaı ekeni belgisiz degen bolatyn.

,