Respýblıkalyq "Qazbilim" ortalyǵy dırektory Aıatjan Ahmetjan otyz jasyna esep berdi. Bul týraly ol áleýmettik jelide jazdy. 

"Al, aǵaıyn menen 25 jyldyqqa tartý osy boldy...

Bıyl ózim 30-ǵa toldym, Qazaq eline kelgenime 10 jyl! Qazaq táýelsizdiginiń 25 jyly, Jeltoqsannyń 30 jyly... bul árıne ber jaǵy ǵoı, Abaı atam aıtpaqshy, ózimnen únemi esep alatyn adam retinde 30 jasqa tolǵanda ózime esep bergim keldi, táýelsizdikke ózimshe syı jasaǵym keldi... Jyldyń basynda burynnan bar biraz dúnıemniń basyn qurap, jazyp-syzyp júrgen dúnıelerimdi 4 kitapqa jınaqtaýdy jón kórdim, áne-mine degenshe jyl aıaqtaldy, jyl boıy sol qý bitpes sharýanyń qamynda jyldyń sońyna jitkizbeı bitirem degen 4 kitabym 2017-ge ótip ketetindeı bolǵan soń jantalastym, biraq, amal ne, tórtinshisin tolyq aıaqtaýǵa energıa da ekonomıka da jetpedi, sonymen tómendegi úshtikpen toqtadym.

Eń birinshisi, "Minez (Óleńder jınaǵy)"
Osy 30 jasqa deıingi shabyttyń týyndysyn MİNEZ, - dep berdim... 
Sebebi, meniń syrtymnan kóp jurt árqıly ton pishedi, birge isteıtinderden Aıatjannyń minezimen syıysa alasyńdar ma? Minezi óte shataq qoı, - deıtin kórinedi))) biraq, mańymdaǵylar, jaqsy túsinetinder osy minezimdi jaqsy kóredi hám qurmetteıdi... Biraq, kitaptyń taqyryby buǵan emes, bıyl 150 jyldyq toıyn álem toılap jatqan Álıhan atamnyń "Ultqa qyzmet etý bilimnen emes, minezden" - deıtin sózinen alǵanmyn ǵoı, men de atajurtyma bir pende tanymaı táýekelmen kelip osynshalyq kúnge (shúkirlik) jetýimniń birinshi sebebi sol MİNEZ ǵoı... Kitap sonyń qurmeti...

Ekinshisi, osy kúnge deıtin bilim salasy men urpaq tárbıesiniń biraz qyryna úńildik, álemdik bilimdi de álimizshe zerttedik, ár jerde jarıaladyq, sol maqalalardyń basyn qurap "Ult bolam deseń..." - dep berdik...
Árıne, urpaq ulttyń bolashaǵy, bolashaqqa durys baǵyt berý ulttyń bolashaǵyn anyqtasa kerek, Biz ult bolyp máńgilik elde máńgi turmaq úshin ne etpek kerek, ózimizshe paıymdap kórdik.... Ol sonyń qurmeti...

Úshinshisi, meniń súıikti pánim hımıa. Árbirimiz maqtanǵanda elimizdiń jerimen, jer asty baılyǵymen maqtanamyz, al, onyń ıgiligin kórmek úshin HIMIANY tirilitpesek basqanyń bári dalbasa, ustaǵannyń qolynda keteri anyq, al hımıanyń irgetasy mektepte 8-synypta qalyptasady. Mine, úshinshi kitapty sol 8-synyptyń oqýshylaryna arnadyq, oıymyz balalardyń hımıaǵa burý, qazaq ultynan bolashaq Qanysh Sátbaevtar men Býketovtardy, ınjnerlerdiń qalyptasýyna ún qosý... 
Bul osynyń qurmeti, "Hımıadan 8-synyp esepteri men jattyǵýlary jınaǵy"

Tórtinshisi, qazaqtyń ár balasy daryndy, ár balasy talantty sol talanttylardy taný men pándik olımpıadalarǵa baýlýdyń ádistemesi edi... onyń 80%-y daıyn, amal joq, ol keleshektiń enshisine qaldy, bıylǵa energıa da, ekonomıka da qalǵan joq)))

Sonymen 30 jasta buzsaq degen ordamyz osyndaı-aq boldy, ózim de tirlik pen shyǵarmashylyqty qatar alam dep sharshaǵan sıaqtymyn... Onyń ústine kúnde 6-7 saǵat toqtamaı sabaq sóıleý kerek... Endi ne qalǵan bólimdi jazý kerek, ne sál tynyǵý kerek)))"

Oqyrman nazaryna tanystyra ketsek, Ahmetjan Aıatjan –  Qazaqstan Respýblıkasy Bilim jáne ǵylym mınıstriniń «Qurmet» gramotasynyń ıegeri,  joǵary sanatty hımıa páni muǵalimi, hımıa ǵylymdarynyń magıstri, Qazbilim (kazbilim.kz) portalynyń bas redaktory, aqyn. Bloger. 1986 jyly 18 shildede QHR, SHUAR, Muńǵulkúre aýdany, Aǵaıaz aýylynda týylǵan.

2011 jyly L.N.Gýmılev atyndaǵy Eýrazıa ulttyq ýnıversıtetiniń jaratylystaný ǵylymdar fakúltetinde Hımıa bakalavryn tamamdaǵan;

2015 jyly L.N.Gýmılev atyndaǵy Eýrazıa ulttyq ýnıversıtetinde oqýyn jalǵastyryp,  Hımıa ǵylymdarynyń magıstri boldy.

Oqýshylary oblystyq, respýblıkalyq, halyqaralyq olımpıadalardyń jeńimpazy;

Respýblıkalyq, oblystyq, qalalyq aqyndar aıtysy jeńimpazy;

Respýblıkalyq, oblystyq, qalalyq músháıralar jeńimpazy;

2010 jyly «ERKİME KÓNSHİ, EI, ÓMİR» atty jyr jınaǵy jaryq kórgen;

Ǵylymı – saraptamalyq jáne pýblısısıkalyq maqalalary, óleńderi merzimdi, merzimsiz basylymdarda úzdiksiz jarıalanyp turady;