«Halyq bank» 2016 jylǵy qarjy nátıjeleri týraly esebin jarıalady dep habarlaıdy Qamshy.kz tilshisi.
Bank basshylyǵy arnaýly baspasóz konferensıasyn ótkizip, ótken jylǵa jasaǵan esebinde jyldyń qıyn bastalyp, qıyn aıaqtalǵanyn atap ótti.
«Halyq bank» AQ-nyń 2016 jylǵy taza tabysy týraly esebinen keıin Bank basshylaryna jýrnalıser negizinen Halyq bank pen Qazkommersbank arasyndaǵy «birigý» týraly saýaldaryn qoıdy.
Banktiń basqarma tóraıymy Úmit Shaıahmetova Halyq banktiń Qazkommersbankti kapıtaldandyrýǵa daıyn ekenin jetkizdi.
Úmit Bolathanqyzynyń sózinshe qazirgi ýaqytta Qazkom-di ınvestısıalaý boıynsha Due Diligence prosesi júrip jatyr. Buǵan deıingi eki bank arasyndaǵy kelisim týraly alǵashqy memorandýmdar kelisim bolatynyn naqtylamaıdy.
«Bankter arasyndaǵy kelisimder» týraly men barlyq aqparatty bólise almaımyn, Qazkommersbanktiń «emdeý» jáne ońaltýdy qajet etetin tustary bar. Bizdiń árıne bankter arasyndaǵy mámlege qyzyǵýshylyǵymyz bar. Biraq BTA zaemdardy «Qazkom» balansynan shoǵyrlandyrylatyn bolsa. Qazir salýǵa tıisti kapıtal kólemi eseptelip jatyr» dedi Bank basshysy. Bank atalǵan prosestiń aldaǵy 2-3 aıda aıaqtalady dep kútedi. Soǵan baılanysty banktiń syrtqy aýdıty men zańgerleri jumyldyrylǵan.
Halyq bank basshylyǵynyń aıtýynsha eki banktiń tutastaı birlesýi múmkin emes. Qazirgi ýaqyttaǵy Ulttyq bank jáne Úkimetpen jasalyp jatqan Halyq bank kelisimderinen keıin Qazkommersbank týraly naqty sheshim qabyldanatyn bolady. Bul kúrdeli ári kóp deńgeıli mámile bolmaq.
Úmit Shaıahmetovanyń aıtýynsha Qazkommersbank kapıtalyna Úkimet eshqandaı da yqpal jasamaıtyn bolady.
Esterińizge salatyn bolsaq, 20 qańtarda bankterdiń eki jaqty kelisimder júrgizip jatqany týraly aqparat taralǵan bolatyn. «Halyq bank» áleýetti mámile jasaý týraly aıtýdyń erte ekenin birden málimdegen edi. Bankter aksıonerleriniń alǵashqy kelissózderi birinshi aqpanda ótti. Al, 2 naýryzda Úkimet pen Ulttyq bank jáne Halyq bank pen Qazkommersbank aksıonerleri, Samuryq Qazyna ulttyq qory, sondaı-aq Problemaly kredıtter qorlary arasynda túsinistik memorandýmy jasalǵan bolatyn.
Shaıahmetovanyń boljamynsha, Halyq banktiń Qazkommersbank aksıalaryn satyp alýynyń júzege asý múmkindigi 80 paıyz.
Aıta ketetin bolsaq, os ýaqytta Qazaqstan Ulttyq banki tóraǵasynyń orynbasary Oleg Smolákov «Qazaqstan Halyq banki» AQ-tyń «Qazkommersbank» AQ-tyń aksıalar paketin satyp alýy boıynsha áleýetti mámilesine túsinikteme berdi.
Birinshi kezekte O. Smolákov «zańnamanyń talaptaryna sáıkes áleýetti mámileni iske asyrý bankterdiń depozıtorlarynyń, kredıtorlarynyń, ózge de klıentteriniń jáne qarsy agentteriniń halyqaralyq mindettemelerdi qosa alǵanda, sharttar boıynsha quqyqtar men zańdy múddelerin saqtaǵan jaǵdaıda ǵana múmkin bolady» dep atap ótti. «Halyq bankiniń «Qazkommersbank» AQ-tyń aksıalaryn satyp alý boıynsha áleýetti mámileni iske asyrý úshin Ulttyq Banktiń jáne Halyq bankiniń tarapynan «Qazkommersbank» AQ aktıvteriniń sapasyna birlesken táýelsiz tekserý júrgizý qajet. Áleýetti mámileniń sandyq ólshemderi alynǵan aqparatty jarıa ashý arqyly táýelsiz tekserý nátıjelerin alǵannan keıin aıqyndalatyn bolady», - dedi O. Smolákov.
Ol sondaı-aq «Qazkommersbank» AQ-tyń úzdiksiz qyzmetin qamtamasyz etý úshin jetkilikti deńgeıge deıin «Qazkommersbank» AQ-ty qosymsha kapıtaldandyrý Halyq bankiniń «Qazkommersbank» AQ-tyń kapıtalyna yqtımal kirýine bazalyq talap bolyp tabylatynyn», - atap ótti.
O. Smolákov «Qazkommersbank» AQ-tyń kredıttik portfeliniń aıtarlyqtaı úlesi (50%-dan astam) «BTA Bank» AQ-tyń mindettemelerin bildiretinine basa nazar aýdardy. Bul rette «BTA Banktiń» aktıvteri qundy qalpyna keltirýdiń uzaq aralyǵyna ıe aktıvterge jatady. Sonyń saldarynan, olardy «Qazkommersbank» AQ-tyń ustap turýy úshin qarjy aǵyndarynyń jetkilikti deńgeıin qalyptastyrmaıdy. Sondyqtan «Qazkommersbank» AQ-tyń qarjylyq ornyqtylyǵyn qamtamasyz etý úshin, O. Smolákovtyń aıtýynsha, birinshi kezeńde BTA banktiń aktıvterin «Qazkommersbank» AQ-tan oqshaýlaý qajet. Bul kezeńde «Problemalyq kredıtter qory» operator bolyp tabylady. Odan ári bul aktıvterdi memlekettik-jeke áriptestik jobalarynyń, onyń ishinde óńirlik damý baǵdarlamalarynyń sheńberinde ekonomıkalyq aınalymǵa tartýdy qamtamasyz etý qajet.
Eske sala ketsek, buǵan deıin Ulttyq banktiń QR Úkimeti, QR Ulttyq banki, «Samuryq-Qazyna» UÁQ» AQ, «Problemalyq kredıtter qory» AQ, «Qazkommersbank» AQ (KKB) jáne onyń iri aksıonerleri, «Qazaqstan Halyq banki» AQ (Halyq banki) jáne «BTA Bank» AQ (BTA bank) arasyndaǵy «Qazkommersbank» AQ aksıalar paketin satyp alý boıynsha áleýetti mámile týraly ózara túsinistik týraly memorandýmǵa qol qoıylǵandyǵy týraly habarlanǵan.
«Qazkommersbank» AQ aýqymdy fılıal jelisi, zańdy jáne jeke tulǵalardyń úlken klıenttik bazasy, aıtarlyqtaı depozıttik bazasy jáne tólem jáne bankaralyq naryqtarda edáýir úlesi bar Qazaqstan Respýblıkasynyń asa iri júıe quraýshy banki bolyp tabylady. Aıta keterligi, «Problemalyq kredıtter qory» aksıonerlik qoǵamy Qazaqstan Respýblıkasy Úkimetiniń menshigine berilgen. Qor qyzmetiniń negizgi maqsaty - ýákiletti organnyń normatıvtik quqyqtyq aktileriniń talaptaryna sáıkes ekinshi deńgeıdegi bankterdiń kredıttik portfelderiniń sapasyn jaqsartýǵa baǵyttalǵan sharalardy iske asyrý bolyp tabylady. «Problemalyq kredıtter qory» AQ qyzmetiniń negizgi túrleri ekinshi deńgeıdegi bankterdiń problemalyq kredıtterin satyp alý; ekinshi deńgeıdegi bankterdiń satyp alynǵan aktıvterin basqarý; óz qyzmetin qarjylandyrý úshin boryshtyq baǵaly qaǵazdardy shyǵarý bolyp tabylady.
