Apple-diń jańa iPhone modeli iPhone 8-den kóptegen qoldanýshylardy kóńilsiz etetin habar kúntártibine shyqty dep habarlaıdy Qamshy.kz.

AQSH-ta ornalasqan tehnologıa alyby Apple iPhone serıasynyń 10-ynshy jylynda tanystyratyn jańa model telefonnan qoldanýshylary kóp jańalyq kútedi.

Alaıda, bir sybysqa qaraǵanda iPhone 8 tutynýshylarǵa kóńilsizdik ákeleıin dep tur.

Jańa bir málimetke saı iPhone 8 qyrkúıek aıyna úlgermeıdi. Basqasha aıtqanda qoldanýshylar telefonnyń jańa modelin biraz uzaǵyraq kútedi.

Drexel Hamilton sarapshysy Brian White-tiń Apple kompanıasyna jaqyn derekkózge súıenip taratqan aqparaty boıynsha, 5.8 ekran keńdiginde shyǵatyn  iPhone 8-de qoldanylatyn 3D tehnologıasymen baılanysty qıyndyqtar sebebimen telefonnyń lansmany qyrkúıek aıynan keıinge qalýy múmkin.

Bul týraly CNBC-ke suhbat bergen White iPhone 8-diń jeltoqsan aıyna deıin satylymǵa shyǵýy qıyn ekenin aıtqan.

iPhone-nyń jańa modeli týraly árkim san-saqqa júgirgen joramal jasap keledi. Ondaılardyń eń yqpaldysy Apple-diń iPhone serıasyn osymen aıaqtaıtyndyǵy.

Taǵy bir boljam bolsa iPhone7-men birge tutas bir dáýir aıaqtalady. Jańa iPhone bolsa 8 emes, iPhone Pro dep atalýy múmkin. Derekkózder iPhone Pro nemese iPhone-nyń kelesi násili múldem juqaryp, basqasha sıpatta jaryq kóredi deıdi. Jańa býyn telefonda tolyqtaı sensorly dıspleı, fızıkalyq knopkasyz qurylym, qýatty kamera sıaqty erekshelikter bolýy múmkin.