Túrkıa Prezıdenti Rejep Taıyp Erdoǵan eldiń Eýropa odaǵyna(EO) kirý týraly ótinishin qabyldamaǵany úshin Eýropany synaýǵa kóshti, dep habarlaıdy «Qamshy» aqparattyq portaly. Ol óz sózinde «Eýropa túrik halqyna istegen qıanaty úshin jaýap beredi» dedi.

9 sáýir kúni Izmır halqy aldynda sóılegen sózinde 19 sáýir kúngi referendýmnan keıin bul taqyrypqa qaıtyp keletini týraly aıtty. Túrkıa Prezıdenti Eýropany «aýrý adamǵa» teńedi. Bul teńeýdi 19-shy ǵasyrda eýropalyq sheneýnikter quldyraýǵa ushyraǵan Osman ımperıasyna qatysty qoldanǵan.

Erdoǵan konservatıvti ıslamı teńdik jáne damý partıasynyń(TDP) negizin qalaýshy. Prezıdent bolyp saılanǵanǵa deıin 2003-2014 jyldar aralyǵynda premer-mınıstr qyzmetin atqarǵan. Endi ol 19 sáýir kúni bolatyn búkilhalyqtyq referendým arqyly eldi parlamenttik júıeden prezıdenttik júıege aýystyrýǵa bet aldy.

EO bolsa elde mundaı ózgeris bolǵan jaǵdaıda bıliktiń bir adamnyń qolyna ótip ketetindigin eskertýde. Oǵan qosa, 2016 jyly memlekettik tóńkeriste Erdoǵannyń opozısıany aıaýsyz tunshyqtyrǵandyǵyn eskere ketý kerektigin aıtty.

Aýdarǵan: Aqnıet Tólendi