Adamdar ádette kóshe kezip júrgen bir top ıtti kórse qorqatyny anyq. Tórt aıaqty janýar adamǵa shabýydaýy ábden múmkin. Alaıda, kóshe kezgen ıtterdiń barlyǵy adamǵa qaýipti emes. Máselen jaqynda Don boıyndaǵy Rostov qalasynda ıtter eki jetkinshek qyzdy bir top tonaýshylardan qutqaryp qaldy. Itterdiń arqasynda eki qyz úıine aman-esen jetti.

Oqıǵa kúndiz bolǵan. Ápkeli-sińli, biriniń jasy 16-da, kishisi 9-da dúkenge barady. Olarǵa qarsy bir top adam kelip, olardyń aqshalaryn tartyp almaq bolǵan.

Urlyqshylardyń biri sińlisiniń qolynan burap, telefonyn berýdi talap etedi. Ápkesi ony sómkesimen urmaq bolǵanda, basqalary qyzdyń qolyn buraı bastady. Qyzdar kómekke shaqyrady. Alaıda adamdar bir top qaraqshyǵa qarsy shyǵýǵa qorqyp, jandarynan óte shyǵady. Bir ýaqytta jaqyn mańnan bir top ıt júgirip kelip, urlyqshylardy qorshap aldy. Ittiń úrgeni halyqtyń kóńilin aýdara bastady. Ótip bara jatqan avtobýs toqtap, adamdar jınala bastaǵan. Sol ýaqytta qoryqqan urlyqshylar qyzdardan alyp úlgergen zattaryn laqtyryp, qasha jóneledi.  

 Ápkeli-sińli bastarynan qıyn jaǵdaıdy ótkerdi. Qyzdardyń bilekterinde urlyqshylardyń qoldarynyń izderi áli bar.

Qyzdar  kómek kórsetken ıtterge rızashylyq retinde dúkennen olarǵa tamaq alyp berdi.