Zańǵa barlyq adam moıynsunýy kerek. «Qamshy» aqparattyq agenttigi AıF.ru-ǵa silteme jasap túrli elderdiń 10 qısynsyz zańdaryn usynady.
Venesıa
28 sáýir 2008 jyly Venesıa bıligi qala qonaqtary men turǵyndaryna San-Marko alańyndaǵy kepterlerge tamaq berýge tyıym saldy. Sebebi kepterler tumsyǵymen ǵımarattar men eskertkishterdiń qalybyn qurtady. Sonymen qatar, kepterlerdiń aýrýdy tasymaldaıtyn qus ekeni belgili.
Ispanıa
Ispandyq Pálma-de-Maıorkede kóshede velosıpedpen júrýge tyıym salynǵan. Mundaı zańdy qalalyq keńes 2014 jyly qabyldaǵan. Zańdy buzǵandar 50 eýro kóleminde aıyppul tóleıdi.
Taıland
Taılandtaǵy Phýket jaǵalaýynda balyqtardy tamaqtandyrýǵa bolmaıdy. Atalmysh zańdy bılik ókilderi 2016 jyly balyqtarǵa tańsyq taǵamdy jemeýi úshin qabyldaǵan. Ony buzǵan týrıs 3 myń dollar kóleminde aıyppul tóleıdi nemese túrmege otyrady.
Atalmysh zańdy reseılik Olga Smırnova buzyp, Taıland soty oǵan 1000 bat aıyppul salǵan.
Sıngapýr
Sıngapýrda saǵyzdy satý men ımporttaý zańsyz bolyp tabylady. Ony tek dárihanadan dárigerdiń ruqsatymen ǵana satyp alýǵa bolady. Alaıda týrısiń qaltasynda ushaqtan qalyp qalǵan saǵyzy bolsa, ol úshin jazaǵa tartylmaıdy. Jaza tek saǵyzdy satyp almaq bolǵandarǵa ǵana qoldanylady. Olar bir jylǵa bas bostandyǵynan aıyrylýy múmkin nemese 5500 dollar aıyppul tóleıdi.
Birikken Arab Ámirlikteri
Arab Ámirlikterinde týrıser ǵımaratty fotoǵa túsirgende óte abaı bolýy kerek. Elde ádemi ǵımarattar kóp. Eger fotoaparat nysanyna alǵan ǵımaratyńyz zań boıynsha tyıym salǵandardyń biri bolsa, shpıondyq áreket jasady dep aıyptap, túrmege otyrǵyzýy múmkin.
Ashyq kıinip júrgenderdi de quqyq qorǵaý organdary qyzmetkerleri jaýapqa tartýy múmkin. Ras-Al-Haıma jaǵajaıynda qatań túrde áıelderge ashyq shomylýǵa arnalǵan kıim, al er adamdarǵa tyrysqan plavkı kıýge tyıym salynǵan. Birinshi ret eskertý jasaıdy. Qaıtalansa aıyppul tóletedi. Jaǵajaıda ashyq kıinýge bolmaıtyny týraly jazylǵan taqtaıshalar bar. Mundaı zań turǵylyqty halyqtyń týrıserdiń jalańash júrýine narazylyq bildirgennen keıin qabyldanǵan.
Gresıa
Gresıada 2002 jyldan beri qumar oıyndardy qoǵamdyq jerde oınaýǵa tyıym salatyn zań qoldanysta.
AQSH
Nú-Djersı shtatyndaǵy Fort Lı qalasynda júrip bara jatyp hat jazýǵa tyıym salynǵan. Ol 2012 jyly jol apatyn azaıtý maqsatynda qabyldanǵan. Jergilikti bılik mundaı qadamǵa statısıkadaǵy kórsetkishke bola barǵan. Oǵan saı, hat jazyp kele jatyp baǵdarshamnyń qyzyl túsine ótip, mert bolǵandardyń sany kóp.
Zańdy buzǵandar 85 dollar aıyppul tóleıdi.
Malaızıa
Malaızıada 2011 jyly sary tústi qysqa jeıde kıýge tyıym salatyn zań qabyldanǵan. Jergilikti belsendiler jemqorlyqqa qarsy aksıaǵa sary tústi qysqa jeıdelermen shyqqan. Sodan beri sary tús zańǵa qarsy ekenin bildiretin bolǵan.
Belgıa
Al Belgıa bıligi qarmen oınaý adam densaýlyǵy úshin óte zıan degen qorytyndyǵa kelip, 2013 jyly qarmen oınaýǵa tyıym saldy. Bul zań Flandrıanyń bes aımaǵynda júredi.
Iran
Iranǵa jolyńyz túsip jatsa shashyńyzdyń jınaqy bolýyna mán berińiz. Sebebi jan-jaqa shyǵyp turǵan shash - shaıtannyń shash úlgisi bolyp sanalady. Bul óz kezeginde shaıtanǵa moıynsuný jáne dinge qurmet bildirmeý bolyp sanalady. Elde qabyldanǵan zań boıynsha, er adamnyń shashyn býyp júrýine tyıym salynady. Mundaı zańmen kelispegen salondar men shashtaraz birden lısenzıasynan aıyrylady.
