Balamen ótkizgen ár sekýnd – baǵaly
ÝDZ-dıagnozshy aıaq astynan únsiz qaldy, dereý kómek shaqyrdy. Balaǵa bir jaǵdaı bolǵany anyq.
Iýólmege dáriger kirip, qaıta skanerleýdi oryndady da, ýaqyt joǵaltpaı Ebbı jáne Robert Ahernge bárin túsindirdi.
«Meniń aıtpaǵym sizderge aýyr tıýi múmkin, sondayqtan kóp sozbaıyn. Qyzdaryńyz anensefalıaǵa shaldyqqan», - dedi dáriger.
«Sábıimizdiń mıyna zaqym kelgen eken. Dáriger bas mıyna zaqym kelgen adam ómir súre almaıtynyn aıtty. Tipti bala dúnıege kelse de, birneshe saǵattan soń qaıtys bolady», dep baıandady Ebbı Ahern oqıǵasyn.
Biraq Ahernder otbasy dárigerdiń «ómir súre almaıdy» degen sózine mán bergen joq. Olar balamen ótkizgen ár sekýndty baǵaly dep sanady.
Ákesi qyzyn Annı Reıchel dep atady. Jáne aman-esen bosanýy úshin qoldarynan kelgenininń bárin istedi.
Dárigerler kesh bolmaı turǵanda anadan balany aldyryp tastaýyn ótingen. Biraq ata-ana úshin bul tyǵyryqtan shyǵatyn jol emes edi.
Ebbı balany dúnıege ákelýge sheshti. Tipti jaqyn adamdary ekeýiniń sheshimine túbegeıli qarsy bolǵan, alaıda olar óz degeninen qaıtpady.
26 maýsym kúni operasıa arqyly Annı dúnıe esigin ashty da, nebári 15 aaǵat ómir súrdi. Biraq Aherneder otbasy túgeldeı sábıdiń janynda bolyp, ony qushaqtap, erkeletip, tipti sýretke túsip te úlgerdi.
Shamam kelgenshe, ony qatty jaqsy kóretinimdi aıta berdim...
Óz jazbasynda Ebbı Annıdiń sońǵy mınýttaryn bylaı keltirdi:
«Saǵat túngi 11-ler shamasy bolǵan. Robert tósek ústinde Annıdi ustap otyrdy, al men bir jutym sý úshý úshin turyp ketkenmin. Birde Annıdiń dem shyǵarǵanyn qulaǵym shaldy, dereý basymdy burdym. OL qaıtadan demin shyǵardy. Sábıimdi Roberttiń qolynan julyp aldym dese de bolady, onyń kózderine qarap bárin túsindim. Osymen bitti. Bólmege dárigerler kirdi, aýrýhanaǵa jaqyndarymyzdy shaqyrdy.
Robert ekeýmiz qyzdarymyz úshin duǵa etýmen boldyq. Annı da kúresti, ol da bizben kóbirek ýaqyt ótkizgisi keldi, biraq sharshady. Qudaı bizge biz oılaǵannan da kóp ýaqyt berdi, alǵysymyz sheksiz edi. Bul kún – ómirimdegi eń baqytty kún. Bul joly qyzymdy «óz úıine» esh qınalmaı jiberdim.
Palataǵa týystarymyz kirdi, bizdi qorshap tur... Men Annıǵa ómirimdi ózgertkeni úshin alǵysymdy aıttym. Sóıtip sábıim meniń kóz aldymda ketip qaldy.
Annı túngi 11:34-te kóz jumdy. Dúnıege kelgen kúni kóz jumdy.
14 saǵat 58 mınýt... Bul ýaqyt ómirimizdegi eń baqytty, eń ǵajap sátterdiń biri boldy. Biz endi burynǵy qalpymyzǵa qaıta túspeımiz.
Sábıimniń aǵzasyn donorlyq maqsatta paıdalaný úshin dárigerler kerek-jaraqty daıyndap júrgende, ol meniń qushaǵymda boldy. Robert te janymyzda boldy. Qudaı da bizben birge edi. Sol ýaqyttaǵy janymyzdyń rahat kúıge bólengenin sózben aıtyp jetkizý múmkin emes. Qudaı bizdiń ár duǵamyzdy qabyl etti. Bizge kúsh berdi, qýanysh syılady, ýaqyt syılady. Sábıimniń janymyzda bolýyna múmkindik berdi de, ózine qaıtaryp aldy.
Biz ony qatty jaqsy kórdik. Sol úshin de ómirge kelýine, jaryq dúnıeni kórýine múmkindik jasadyq. Ol bir kún de ómir súrgen joq, biraq sol ýaqyttyń ishshinde biz ǵajap sátterdi basymyzdan ótkerdik.
Ol meniń ómirimdi ózgertti. Sol ýaqytqa deıin men Qudaıǵa senbeýshshi edim. Annı meni durys jolǵa saldy, qandaı jaǵdaı bolmasyn Qudaı bizdiń janymyzda ekenin eskertti. Bizde bári bolǵan, aqsha, úı, kólik, otbasy, biraq Qudaıǵa degen senim bolǵan joq. Al qazir kez-kelgen qınydyqta da, qýanyshta da biz jalǵyz emespiz, sony uqtym.
Men ózgerdim... Burynǵy Ebbı joq. «Jańa Ebbı» túrli adamdarmen, qıyndyqty bastarynan ótkergen áıeldermen, qınalyp júrgen qyzdarmen tanysty. Kómekke muqtaj jandarǵa qol ushyn sozdy. Boıynda ózine degen senim paıda boldy».
Annıdiń oqıǵasy – úmitke jeteleıtin oqıǵa. Ony oqyǵan ár adam ómirdiń ár sátin baǵalaýy tıis. Dál osy maqsatta Ebbı basynan ótkergenin búkil álemmen bólisýdi jón kórgen.
Sholýshy: Gúlim Jaqan
