2 jyl buryn 28 jastaǵy AQSH azamatshasy Lındsı Paradıso  aıaǵy aýyr ekenin bilgen. Jubaıy ekeýi bul jańalyqqa qatty qýanǵan.

Júktilik ýaqyty sátti ótip jatqan. Birneshe tekserilimnen keıin Paradıso ózinde qyz bolatynyn bilgen. Jubaılar keńesip sábıge Omara esimin bermek bolyp josparlaıdy. Jubaıy Met pen Lındsı ózderiniń sábılerimen baqytty shaqtaryn elestetip balany qatty kútedi.

Alaıda júktiliktiń 18- aptasynda dárigerler erli-zaıyptylarǵa sýyq habar jetkizedi. Áli týylmaǵan sábıdiń moınynda isik bary anyqtalǵan eken.

Dárigerler barlyǵyn jaqsylyqqa jorýǵa tyrysqanymen, ýaqyt óte kele sábıdegi isik kólemi ulǵaıa beredi. Sábıleri Omaranyń jaǵdaıy qıyn edi. Onyń aman qalýy 1% quraǵan. Tipti dúnıege kelgenniń ózinde qyz kóp uzamaı isiktiń kesirinen kóz jumar edi. Sondyqtan Lındısıge dárigerler jalǵyz sheshim túsik, balany aldyrý degen.

Alaıda AQSH-ta 24-aptadan keıin túsik jasatýǵa ruqsat etilmeıdi. Sondyqtan Paradıso jubaılary basqa jerge barýǵa týra kelgen.

Júktiliktiń 25- aptasynda Lındsıge tolǵaq keltiretin dári engizgen. Omaranyń júregi ol dúnıege kelgen soń birden toqtap qalǵan.

Ata-ana úshin jalǵyz jubanysh-qyzdaryn bir sátke bolsyn kórip qalý boldy. Kórip, qoldaryna ustap, qoshtasý boldy.

Qazir Lındsı áıelderdiń  qaýipti jaǵdaılarda túsik jasatýǵa quqyǵyn qorǵaıtyn qoǵamdastyqtyń belsendi múshesi. Jergilikti sheneýnikter reıtıń kóterý úshin bul otanyń túrine múldem tosqaýyl qoımaqshy. Al bul arqyly qanshama taǵdyr men otbasy shańyraǵy oırandalýy múmkin ekenin eshkim oılap ta jatqan joq.

Eger Lındsıge túsik jasatýǵa ruqsat bermegende onyń ómirine de, sábı ómirine de qaýip tóner edi.

Árıne, túsik jasatý- jeńil, ońaı sharý emes, al ony zańdastyrý tipti burys sıaqty. Alaıda árbir jaǵdaı jeke qarastyrylýy tıis. Sebebi jalpy bul prosedýraǵa toqtaý qoıa salý ońaı, degenmen, keıbir jaǵdaılar ananyń densaýlyǵy úshin qaýip týdyrýy nemes balanyń aman qalýy múmkin emes sekildi saldardyń qaýiptiligi týraly da oılaný kerek.

Sholýshy: Sabına Ramazan