Brıtanıalyq ǵashyq juptar ózderiniń erli-zaıypty bolǵandaryna 80 jyl tolýyn atap ótý úshin qaıta qosyldy, dep jazady Qamshy aqparattyq agenttigi.

102 jastaǵy Ken Harrıs qarttar úıinde jatqan 99 jastaǵy jary Margaretpen Ýelstegi Llangınıdır qalasynda úılengenderine 80 jyl tolǵan mereıtoıyn atap ótti. Bul jóninde Bı-bı-sıdiń orys qyzmeti habarlaıdy.

Bul ýaqytqa deıin qarıa beli synyp aýrýhanada jatqan edi. Ekinshi dúnıejúzilik soǵystan beri aıyrylmaı baqytty ǵumyr keshken jaryn kóre almaı ketem be degen úreı ony ornynan qaıta turǵyzdy.

«Olardyń ustasqan qoldary áli kúnge deıin ajyramaǵan. Aıyrylǵan kúnderin eske alǵan saıyn bir-birine jaqyndaı túsedi, qaıda barsa da, birge júredi», deıdi olardyń 75 jastaǵy kelinderi Pet Harrıs.

Ekinshi dúnıejúzilik soǵys qarsańynda Ken Harrıs Bırmadaǵy qyzmetke jiberilip, Brıtandyq 24-i jaıaý ásker polkiniń qaratynda boldy.

«Ken soǵysqa attanǵanda Margaret úıde jalǵyz qaldy. Dárigerdiń hatshysy bolyp jumys istedi. Kúıeýi ekeýiniń toı sýretteri ámıanynan bireli túspegen», - dedi Pet ǵashyq juptardyń mahabbat hıkaıalaryn eske ala otyryp.

Ken soǵystan aman-esen qaıtqan soń ekeýi Llanhılet qalashyǵynda turdy, eki balalary boldy: uldary – Alan jáne qyzdary – Enn.

Alaıda Margaretten demensıa, ıaǵnı aqylynyń kemdigi baıqalǵan soń ony qarttar úıine jatqyzady. Al Ken jalǵyz qaldy.

Keıin belin synydyryp alyp, ózi de aýrýhanaǵa túsedi. Aýrýhanada jatqan qarıa qatty qınaldy, súıikti jaryn eshqashan kórmeıtindeı kúı keshedi. Sony oılaǵan saıyn aýrýyn jeńýge tyrysty. Aqyry kózdegenine jetip, Kendi 1 aıdan soń aýrýhanadan shyǵarady. Margaret jatqan qarttar úıinen Ken úshin de bólme tabylady.

«Ekeýiniń qaıta tabysýy úshin kóp kúsh jumsadyq. Kenniń jarty ómiri memleketke qyzmet etýmen ótti, jarynyń janynda bolyp, alańsyz kóz jumýǵa laıyqty dep oılaımyn. Olar bir-birin sheksiz súıedi, ǵashyq juptardyń 80 jyldyq mereıtoıyn toılap jatqanyn kórý – bizge erekshe qýanysh syılaıdy», dep oıymen bólisti kelinderi.

Sholýshy: Gúlim Jaqan