Demalysqa teńizge barǵan otbasy qaıǵyly jaǵdaıǵa ushyraǵan. 4 jastaǵy uldary  Frenkı teńizde júzip júrgen. Sol ýaqytta ony tolqyn  basyp ketip ol ózin nashar sezinip, birtúrli kúı keshken. Asqazany aýyrǵan sıaqtanǵan. Odan keıin arada bir apta ýaqyt ótkende múldem tynys ala almaı qalǵan. Jedel járdem shaqyrǵan ákesine dárigerler tym kesh ekenin aıtqan. Dárigerler balanyń sýǵa tunshyǵyp qalǵanyn jetizgen.

Jalpy sýǵa batyp tunshyǵyp qalǵan adam kógerip nemese bozaryp ketedi. Sýǵa batyp tunshyǵýdyń eki túri de asa qaýipti. Frenkı bozarǵan tunshyǵýdan  kóz jumǵan. Sýǵa tunshyǵýdyń bozarǵan túrinde sý muryn men aýyzǵa kiredi. Adamnyń daýys jelbezegi tartylyp túıilip qalady da sý syrtqa shyqpaı qalady. Osydan adam tunshyǵady.  Sý ókpege kirmeıdi. Aýyz ben muryn arqyly kirip bulshyqetter tartylyp qalady. Al sýǵa batyp tunshyǵýdyń qalypty jaǵdaıynda adamnyń ókpesine sý kiredi de ókpe qabynady. Al bozaryp tunshyqqan adam bop-boz bolyp ketedi jáne onyń jaǵdaıy ýaqyt óte kele nasharlaıdy.

Sýǵa tunshyǵyp qalǵan adamnyń belgileri mynadaı bolady:

-Kózderi jumýly nemese bir núktege qadalyp qalǵan;

-Basy artqa shalqaıǵan;

-Aýzy sý deńgeıinen joǵary nemese tómen

Sýǵa tunshyqqan kezde adamnyń tynysy tarylady, tez-tez tynys ala bastaıdy.

Qaıǵyly jaǵdaıǵa ushyraǵan Frenkıdiń ákesi: «Meniń basymnan ótken jaǵdaı týraly basqalardyń da bilgenin qalaımyn. Ózgeler mundaı qatelik jibermeýi tıis. Balam meniń dosym, janym edi. Bulaı bolatynyn bilgen joqpyn. Bastapqyda barlyǵy durys sıaqty edi»-deıdi ol. Ol ózge adamdarǵa balalaryna durystap bas-kóz bolýǵa, sýǵa batyp tunshyǵýdy  boldyrmas úshin balalaryna kóńil bólýge shaqyrdy.

Sholýshy: Sabına Ramazan