«Atameken» UKP İV Sezinde qylmystyq jáne ákimshilik zańnamalardy gýmanızasıalaý jaıly erekshe atap ótildi Bul týraly «Atameken» QR UKP Basqarma Tóraǵasynyń orynbasary Rústem Júrsinov İV sıeze atap aıtty.
«Atameken» QR UKP İV Sezinde Ulttyq kásipkerler palatasy atqarǵan orasan zor jumystar týrasynda aıtyldy. Onyń ishinde kásipkerlerdiń zańdy múddeleri men quqyqtaryn qorǵaý, ákimshilik kedergilerdi anyqtap, joıý, óńirlerdi damytý, jobalardy súıemeldeý jáne taǵy basqalary jaıly baıandaldy. Jalpy, palata qyzmetiniń qorytyndy esebi boıynsha mynadaı negizgi baǵyttarǵa bólýge bolady:
- bıznes-orta úshin zańnamany jetildiriý;
- bıznesti qaıta retteý – baqylaý-qadaǵalaý fýnksıalaryn qysqartý, memlekettik fýnksıalardy básekeles ortaǵa berý jáne SÓJ;
- qylmystyq jáne ákimshilik zańnamany gýmanızasıalaý.
Sıeze jasaǵan baıandamasynda «Atameken» QR UKP Basqarma Tóraǵasynyń orynbasary Rústem Júrsinov zańnamany gýmanızasıalaý jumystaryna erekshe toqtaldy.
Ol atap ótkendeı, atalmysh jumys byltyrǵy jyldyń aqpan aıynda Kásipkerlerdiń quqyǵyn qorǵaý jónindegi ýákildiń ınstıtýty qurylǵan sátten bastap kúsheıtilip, jańa qarqyn aldy.
Bıznes-ombýdsmen jumysyn bastaǵaly barlyq óńirlerde issaparlarmen bolyp qaıtty, ákimdermen jáne prokýrorlarmen kezdesýler ótkizdi, 2000-nan astam kásipkerdi jeke qabyldap, memlekettik organdardyń beıresmı reıtıńteri engizildi. Bızneske túsetin ákimshilik júktemeni azaıtý boıynsha aýqymdy jumystar jasaldy.
Osylaısha, zań jobasy aıasynda Ulttyq kásipkerler palatasynyń 75 tujyrymdamalyq usynystary qabyldandy. Atap aıtqanda:
- jasalǵan qylmys eleýsiz bolǵan jaǵdaıda jaýapkershilikten bosatý;
- ÁQBTK-niń 280-nen astam babynda aıyppuldy 50% jeńildikpen tóleý;
- 91 bap boıynsha aıyppul mólsheri orta eseppen 30%-ǵa tómendeıdi, 12-sinde jaza jeńildetiledi, 42-sinde aıyppul eskertýmen almastyrylady.
«Degenmen, kásipkerler úshin asa mańyzdy birqatar máseleler áli de bar. Mysaly, bıznes úshin eleýli problemalar týdyratyn kedendik zań buzýshylyqtar úshin tárkileý. Biz osy máseleni barynsha tez arada sheshý kerek dep sanaımyz, bul menshik quqyǵyn qorǵaý jónindegi Elbasy joldaýymen tolyq úndesedi», – dedi Rústem Júrsinov.
Sondaı-aq, ol atap ótkendeı, 2016 jyldyń sońynda olardyń bastamasy boıynsha rahymshylyq jasaý júrgizildi, sonymen qatar, ekonomıkalyq qylmystar boıynsha 400-den (256 – bas bostandyǵynan aıyrylǵan, 184 – bostandyqta) astam bıznesmen bosatyldy. Bas prokýratýramen birlese otyryp, qylmystyq zańnamany gýmanızasıalaý boıynsha jumystar júrgizildi.
«Men bul jerde aıtarlyqtaı ilgerileýshilikti kórip turmyn – «Jalǵankásipkerlik týraly» bapty alyp tastaý týraly zań jobasy Senatta qaralýda. Osy aıdyń aıaǵyna deıin zań qabyldanady degen úmittemiz», – dedi Basqarma Tóraǵasynyń orynbasary.
Laýazymdy tulǵalardyń jaýapkershiligin kúsheıtý jóninde eleýli ózgerister usynyldy, bul máseleni memlekettik qyzmet isteri jónindegi agenttik qarap jatyr.
«Ulttyq kásipkerler palatasy men bıznes-ombýdsmenniń atqarǵan jumystary syndarly poızısıa men Úkimettiń jáne barlyq memlekettik organdardyń qoldaýynsyz nátıjesiz bolar edi», – dep qorytyndylady Rústem Júrsinov.
