Reseı prezıdenti Vladımır Pýtın Alekseı Erhovty Reseıdiń Túrkıadaǵy elshisi etip taǵaıyndady, dep habarlaıdy Qamshy aqparattyq agenttigi.
Mamyrda onyń elshilikke úmitkerligin halyqaralyq ister jónindegi Memlekettik dýma qoldaǵan.
Jergilikti BAQ-tyń málimetinshe, elshi qyzmetine kelmeı turyp Erhov SİM daǵdarys ortalyǵy departamentiniń dırektory qyzmetin atqarǵan. Odan buryn Ystanbuldaǵy bas konsýl boldy.
Eske sala keteıik, ótken jyldyń 19 jeltoqsanynda Andreı Karlov Ankarada "Kalıngradtan Kamchatkaǵa deıingi Reseı saıahatshy kózimen" atty fotokórmege qatysý barysynda qastandyqqa ushyraǵan. Ashylý saltanatynda sóılep turǵan Karlovqa Melvút Altyntash esimdi polıseı qyzmetkeri oq atqan. Aýyr jaraly Karlov jaqyn mańdaǵy aýrýzanaǵa jetkizilgenimen qaıtys boldy. Al, qastandyq jasaýshy arnaýly operasıada óltirilgen.
Buǵan deıin Elshi mindetin ýaqytsha keńesshi Sergeı Panov atqarǵan.
Sholýshy: Gúlim Jaqan
