Belgili jýrnalıs, «Qazaq gazetteri» JSHS-niń bas dırektory - redaktorlar keńesiniń tóraǵasy Jumabek Kenjalın ómirden ozdy. Bul týraly «Jetisý» telearnasy dırektorynyń birinshi orynbasary Serik Ábiken jazdy, dep habarlaıdy Qamshy.kz aqparat agenttigi..
«Qazaq jýrnalısıkasynyń bir qaraǵaıy qulapty. Imandy bolyńyz, Jumabek aǵa», - dep jazdy Serik Ábiken Feısbýktegi jeke paraqshasyna.
Jumabek Kenjalın 1954 jyly Qostanaı oblysy, Amankeldi aýdanyndaǵy Jdanov atyndaǵy kolhozda týǵan. 1971 jyly Torǵaı oblysy Arqalyq aýdanyndaǵy Qaıyńdy orta mektebin bitirgen soń, ásker qatarynda qyzmet etti, sharýashylyqtarda jumys istedi. 1981 jyly Qazaq Memlekettik ýnıversıtetin tamamdaǵan soń, «Sosıalısik Qazaqstan» («Egemen Qazaqstan») gazetinde tilshi, bólim meńgerýshisi, 1986–1988 jj. «Bilim jáne eńbek» («Zerde») jýrnalynda jaýapty hatshy, bas redaktordyń mindetin atqarýshy boldy. 1990 jyldan «Halyq keńesi» gazeti bas redaktorynyń orynbasary, birinshi orynbasary, al 1994 jyldyń qańtaryna deıin osy basylymnyń bas redaktory qyzmetin atqardy.
1996–1997 jj. «Aqıqat» jýrnalynyń bas redaktory, 1997–1999 jj. «Qazaq ádebıeti» gazetiniń bas redaktory qyzmetin atqardy. 1999–2006 jj. «Qazaq gazetteri» jabyq aksıonerlik qoǵamynyń prezıdenti, «Qazaq gazetteri» JSHS-niń Bas dırektory, «Ana tili» gazetiniń Bas redaktory, 2006–2009 jj. «Aqıqat» jýrnalynyń Bas redaktory, 2009 jyldyń aqpanynan «Qazaq gazetteri» JSHS-niń Bas dırektory – redaktorlar keńesiniń tóraǵasy. Shyǵarmalary respýblıkalyq merzimdi basylym betterinde jarıalanyp júr. Qazaqstan Úkimeti janyndaǵy Memlekettik termınologıalyq komısıa múshesi, HVİİ shaqyrylǵan halyq depýtattary Almaty qalalyq Keńesiniń depýtaty bolyp saılandy. 2004 jyly kandıdattyq dısertasıa qorǵap, saıası ǵylymdarynyń kandıdaty ǵylymı dárejesin alǵan.
«Jelkildep ósken quraqtaı», (1988, «Óner»), «Shyndyqty shyraq etip ustańyz» (1998, «Qazaqstan»), «Ult rýhyn ulyqtaǵan urpaqpyz» (2005, «Ólke») dep atalatyn derekti áńgimeler men esse kitaptarynyń avtory. Qazaqstan Jýrnalıser odaǵy syılyǵynyń laýreaty (1984), Qazaqstan Respýblıkasy Prezıdent syılyǵynyń laýreaty (2006), QR Mádenıet jáne aqparat mınıstrliginiń «Mádenıet qaıratkeri» belgisimen marapattalǵan (2004). Qazaqstan Jýrnalıser Akademıasynyń tolyq múshesi – akademıgi (2001).
