Tehasta júk kóliginen 8 adamnyń máıiti tabyldy. Máıitter arasynda eki balanyń óli denesi bar. Oqıǵa AQSH-tyń Tehas shtatynda bolǵan, dep habarlaıdy Qamshy.kz aqparat agenttigi sheteldik BAQ málimetine súıenip.
Kúdikti kóringen júk kóligi jaıly polıseılerge taıaýdaǵy dúken qyzmetkerleriniń biri habarlaǵan. Tekserý kezinde onyń tirkemesiniń ishinde marqumdardan bólek taǵy 28 adamnyń otyrǵany anyqtaldy. Kóbisi álsirep, jaǵdaıy nasharlap ketipti. Sondyqtan birazi aýrýhanaǵa jetkizildi.
Aldyn ala jasalǵan boljam boıynsha , qamaýdaǵylardyń barlyǵy meksıkalyq bolýy múmkin. Óıtkeni Tehas shtaty Meksıkamen aradaǵy shekarada ornalasqan. Alaıda ne sebepti qamaýǵa alynǵandary habarlanǵan joq.
