Soltústik Koreıa kezekti zymyrandaryn synaý úshin daıyndalyp jatyr, dep jazady Qamshy.kz aqparat agenttigi. Bul týraly AQSH ákimshiligi Reuters agenttigine habarlaǵan. Amerıkalyq barlaý Kýson qalasyndaǵy qurylyqaralyq zymyrandardy iske qosý úshin jabdyqtardy tasymaldaý jóninde habardar boldy.

The New York Times basylymynyń málimetinshe, amerıkalyq barlaý qyzmetkerleri Soltústik Koreıanyń AQSH qurlyǵyna deıin jetetin balıstıkalyq zymyrandardy jasaý jumystarynyń qashan aıaqtalatyny jóninde boljap kórdi. Vashıngton zymyran aldaǵy jyly daıyn bolady deıdi.

4 shildede KHDR qurylyqaralyq balıstıkalyq zymyranyn synaý prosesi sátti aıaqtalǵan. Mundaı sheshimdi amerıkalyq áskerı sarapshylar aıtty. Olar «Phenánda Amerıkadaǵy Aláska jáne Gavaıı aýmaqtaryna ıadrolyq soqqy jasaı alatyn zymyran paıda bolǵan» dep málimdegen.