2017 jyl 27 shildede 15.00 saǵatta Astana qalasynyń ákimdiginde Astana q. qala mańy avtobýstyq tasymaldarda jolaqysyn elektrondyq tóleý júıesin (JETJ) engizýdiń IV-kezeńin iske asyrý jáne qalalyq jolaýshylar kóliginiń júrý sqemasyn ózgertý jónindegi máseleler boıynsha baspasóz konferensıasy ótti dep habarlaıdy Qamshy.kz aqparat agenttigi.

İs-sharaǵa Astana qalasy Jollaýshylar kóligi basqarmasynyń basshysy Bekmyrza Igenberdınov, «Astana LRT» JSHS dıspecherleý ortalyǵynyń basshysy Baýyrjan Seıtov, Astana LRT» JSHS tólem júıeleri ortalyǵynyń basshysy Sergeı Popov jáne «Astana LRT» JSHS jolaýshylar kóligi bóliminiń jetekshi mamany Ábdihamıt Tamabaev qatysty.

Astana qalasynyń kólik júıesin jańartý sheńberinde aǵymdaǵy jyldyń 29 shildesinen bastap Astana q. qala mańy avtobýstyq baǵdarlarda jolaqysyn elektrondyq tóleý júıesin (JETJ) engizýdiń IV-kezeńin iske asyrýdy bastaıdy. Bul qala mańy eldi mekenderiniń turǵyndaryna qolma-qol tólemniń aldynda birqatar basymdylyqtary bar Astra kólik kartasyn paıdalanýǵa múmkindik beredi.

• ASTRA kólik kartasynyń quny – 400 teńge
• 10 sapardy júktegende, 11-shi sapar tegin
• Kólik kartasy 60 mınýt ishinde qalalyq ne ekspress avtobýsqa tegin qaıta minýge quqyq beredi, munda jolaýshy qalaǵa kelgennen keıin shyǵarda kólik kartasyn valıdasıadan ótkizse, elektrondyq tólem júıesi jumys isteıdi.

ASTRA kólik kartalarynan basqa, qala avtobýstyq qatynasta jolaqysyn tóleý úshin jolaqysyn qolma-qol tóleý, 9500 teńge turatyn aı saıynǵy jol bıleti (qaǵaz) – burynǵy tólem túrleri saqtalatyn bolady.

Qala mańy avtobýstarynda jolaýshynyń kirýi mindetti valıdasıamen jáne bılet satyp alýmen aldyńǵy esik arqyly ǵana júzege asady.

Qala mańy baǵdarlarynda valıdasıalaý kezinde áreketterdiń kelesi algorıtimin oryndaý qajet:

• Qala mańy avtobýsyna kirgende jolaýshylar elektrondyq kólik kartasyn valıdatorǵa jaqyndatý qajet. Sapar quny ASTRA kólik kartasynan tarıftik aımaqqa sáıkes sheshiledi.
• Qala mańy avtobýsymen qalaǵa kelgen soń, jolaýshy 60 mınýt ishinde qalalyq ne ekspress-baǵdarǵa qaıta minse, onda ol qala mańy avtobýsynan shyǵarda kartany valıdatorǵa jaqyndatýy kerek.
• Eger jolaýshy qalalyq ne ekspress-baǵdarǵa qaıta minýdi josparlamasa, onda ol qala mańy avtobýsynan shyǵarda kartany valıdatorǵa jaqyndatýy kerek emes.
• Qaladan qala mańyna kelgende avtobýstan shyǵarda kartany valıdasıadan ótkizý qajet emes.
• Jolaýshy qala mańy avtobýsynan qalalyq ne ekspress-baǵdarǵa bir saǵat ishinde tegin júre alady. Keri tártipte tegin qaıta miný múmkin emes.

Jolaqysyn elektrondyq tóleý júıesin engizýdiń birinshi kezeńi 2016 jylǵy 30 shildede bastalǵanyn eske salamyz. Sonyń sheńberinde  qala mańy tasymaldaryn paıdalanatyn jolaýshylardyń yńǵaılyǵy sapar qunyn orta shamamen 50 teńgege, keıbir jaǵdaıda 100 teńgege (Arshaly-Astana) jáne 120 teńgege deıin (Babataı-Astana) qysqartýǵa múmkindik bergen kólik aımaqtary engizilgen.

Qala mańy avtobýstaryn elektrondyq tólemder júıesine qosýsyz tarıftik aımaqtardy bólý turǵyndarǵa tarıftik aımaq qunyna úırenýge, tólem júıesin túsinýge jáne elektrondyq tólemderge jeńil ótýge múmkindik berdi.

Qala mańy qatynasy jolaqysynyń quny Astana qalasy ákimdiginiń 2015 jylǵy 6 qazandaǵy № 108-1759 Qaýlysymen bekitilgen jáne mynany quraıdy:

• jolaýshylar men bagajdy qalalyq avtobýspen tasymaldaýǵa – 90 (toqsan) teńge;
• jolaýshylar men bagajdy ekspress avtobýspen tasymaldaýǵa – 150 (júz elý) teńge;

             jolaýshylar men bagajdy qala mańy qatynasta tasymaldaý tarıfteri:

• - 1-kólik aımaǵy – 90 teńge;
• - 2-kólik aımaǵy – 200 teńge;

-3 kólik aımaǵy – 300 teńge;

- 4 kólik aımaǵy – 400 teńge.  (№ 1-qosymsha)

Qyzmet kórsetý sapasyn joǵarylatý, jolaýshylarǵa belgili bir jerge tez ári yńǵaıly jetýge múmkindik beretin ońtaıly baǵdar jelisin qurý úshin «Astana LRT» JSHS turaqty negizde kúshti jáne álsiz jaqtaryn shyǵara otyryp, qoǵamdyq kóliktiń jumysyn monıtorıńteıdi jáne taldaıdy. Osy taldaý nátıjeleri jolaýshy kóliginiń damý baǵyttaryn jáne baǵdar jelisin jańartý tujyrymyn esepke alyp, Astana qalasynyń Jolaýshylar kóligi basqarmasyna qalalyq jolaýshylar kóliginiń júrý sqemasyn ózgertý nemese baǵdarlardy joıý boıynsha sońǵy sheshim qabyldaý úshin joldanady.

Astana qalasynyń kólik júıesin jańartý sheńberinde aǵymdaǵy jyldyń 22 jáne 29 shildesi aralyǵynda keıbir qalalyq jolaýshylar avtobýsynyń júrý sqemasy ózgeretin bolady (№2-qosymsha). Bul shara jolaýshylar aǵynynyń ósýimen jáne jańa qalalyq obektilerdi, sonyń ishinde turǵyn úı alaptaryn paıdalanýǵa engizýmen sharttalady.

Aǵymdaǵy jyldyń 22 shildesinde «Alaı-Astra» SO» - «Astana-Nurly jol» t/j vokzaly» arasynda qatynaıtyn, osy baǵdardyń júrý aralyǵy 35 mınýtty quraıtyn № 201 túngi-ekspress baǵdar engizildi, ol 22:08-den 07:10 saǵatqa deıin jumys isteıdi.

Myna baǵdarlardyń sqemasy ózgertildi:

• «Kóktal -2» t/a qyzmet kórsetýge arnalǵan № 501, «Saryarqa dańǵ.», Saryarqa dańǵ. boıyndaǵy «Habar» agenttigi» janynda adamdar jappaı jınalatyn aıaldamalarǵa qyzmet kórsetýge arnalǵan № 502, «Komfort Taýn» TÚ» qyzmet kórsetýge arnalǵan № 503 «Shuttle-Bus» baǵdarlarynyń júrý sqemasyn ózgertý;
• Vıláma Shekspır kóshesi men A207 kóshesine qyzmet kórsetý úshin № 64 baǵdarynyń júrý sqemasyn ózgertý (Indýstrıaldyq park aımaǵy);

2017 jyl 24 shildeden bastap №№ 8, 10, 15, 24, 37, 303, 304 baǵdarlaryndaǵy avtobýstardyń sany ósti, sondaı-aq 2017 jylǵy 31 shildeden bastap №№ 5, 12, 17, 21, 40, 46, 50, 51, 500, 504, 506 avtobýstarynyń kestesi kúsheıtiletin bolady. Bul bárine málim qalalyq baǵdarlarynyń júrý aralyǵyn qysqartýǵa, júrý kestesin ustanýǵa, jolaýshylar aınalymyn ulǵaıtýǵa jáne qoǵamdyq kólikti jolaýshylar úshin anaǵurlym tartymdy etýge múmkindik beredi.

Aǵymdaǵy jyldyń 29 shildesinde A. Baıtursynov kóshesi men «Promyshlennyı» t/a  kólik qyzmetin kórsetý úshin № 50 baǵdarynyń júrý sqemasy «Astana-Nurly jol» t/j vokzalynan «Promyshlennyı» t/a deıin uzartylatyn bolady.

Sonymen qatar Astana q. qala mańy aımaǵyn ońtaılaýmen jáne qala mańy baǵdarlaryna JETJ engizýmen baılanysty «Jibek jol aýyly» sońǵy pýnktinen «Astana-Nurly jol» t/j vokzalyna» ózgertýmen № 105 ekspress-baǵdarynyń júrý sqemasy ózgeredi.