27 shildede qazaqstandyq buqaralyq aqparat quraldarynyń jýrnalıseri baspasóz týry aıasynda EKSPO-2017 Halyqaralyq mamandandyrylǵan kórmesinde Katar eliniń pavılonynda boldy, dep habarlaıdy Qamshy.kz aqparat agenttigi.

Pavılon dırektory Muhammed Saıd Al-Bloshı myrza jınalǵan qonaqtarǵa óz eliniń pavılonyn kórsetti. «Energıanyń jańa áleýetteri» atty pavılonnyń aýmaǵy 500 sh.m. quraıdy. Pavılonda Katar eliniń qurylý kezinen bastap memlekettiń qazirgi kezeńine deıin tarıhty baıandaıtyn 7 túrli aýmaq bar.

Pavılon eki negizgi kezeńge bólinedi. Birinshisi – eldiń tarıhy jóninde baıandaıdy. Osyǵan baılanysty pavılonnyń basty foeıesi gıpsten jasalǵan oıý-órnekpen kórkemdelgen. Ekinshi kezeńi eldiń bolashaǵy týraly, kún energıasy qalaı qoldanylatyny jóninde syr shertedi.

Eldiń klımatıkalyq ahýalyna baılanysty Katar memleketi kóne ǵasyrdan beri ǵımarattarda tabıǵı salqyndatýdy qoldanady. Sol sebepti bul eldiń halqy baǵzy zamannan beri ǵımarattardy salqyndatý úshin jel energıasyn qoldanady. Kómirsýtekti ken oryndary tabylǵan soń el damýynyń jańa kezeńi bastaldy, óz kezeginde ol áli kúnge deıin jalǵasyp keledi.

Memleket úshin turaqty damý máselesi eń ózektilerdiń birine aınaldy, sondyqtan Katar-2030 damý strategıasy bekitildi, onyń aıasynda katarlyqtar barlyq oblystarda kún energıasyn qoldanýdy josparlap otyr.

Elorda turǵyndary men qonaqtary arasynda Katar pavılony suranysqa ıe pavılondardyń birine aınaldy, EKSPO-2017 kórmesi aıasynda bul eldiń pavılonynyń aldynda sýretke túsý dástúrge aınalǵandaı.

"Bul meniń Qazaqstanǵa alǵash kelýim emes. Qazaqstan shynymen qonaqjaı memleket. Astana turǵyndary óte qonaqjaı. Muny biz kórmeniń barysynan – aq baıqaýymyzǵa bolady. Túrli ult ókilderi bir aspan astynda, bir memlekette, bir qalada tatý-tátti ómir súrýde, bir-birine jylýlyq tanytady eken. Kóptegen elderden qonaqtar kelip jatyr.  Olar buny birden sezedi dep oılaımyn. Qazaq halqy óte qonaqjaı", -dedi Qazaqstan jaıly óz pikirimen bólise kele pavılonnyń dırektory Muhammed Saıd Al-Bloshı.