Qazaqstannan Qytaıǵa bıdaı, soıa burshaǵy men bıdaı kebegi partıalaryn eksporttaý  Hattamasyna qol qoıyldy dep habarlaıdy Qamshy.kz aqparat agenttigi. QHR-ge tasymaldanatyn ósimdik sharýashylyǵy ónimderine eshqandaı shekteý joq. Naqty bir tasymaldanatyn ónim túrlerine fıtosanıtarlyq talaptardy anyqtaý úshin QR Aýyl sharýashylyǵy Mınıstrligi arnaıy jumystar júrgizdi. Jaqyn arada jońyshqa men ósimdik sharýashylyǵy ónimderiniń 31 túrin tasymaldaý boıynsha Hattama kútilýde. 

-Bul kelissózder Qazaqstan Respýblıkasy Agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasynyń negizinde iske asyrylyp jatyr jáne otandyq aýyl sharýashylyǵy taýar óndirýshilerine jańa múmkindikter ashady, - dedi QR ASHM Veterınarıalyq baqylaý jáne qadaǵalaý komıteti tóraǵasynyń orynbasary Oljas Aýsabaev.

Sonymen qatar, mınıstrlik parsy elderiniń naryǵyna shyǵý boıynsha josparymen bólisti. Mysaly, bıyl tuńǵysh ret Batys Qazaqstan oblysynan 18 tonna et Iranǵa jóneltilgen. Sonymen qatar, EO memleketteri men Japonıa elderine qymyz ónimderi eksporttalmaq.