"Seri" jigit gıtaramen avtobýstarda elordalyq jolaýshylardyń kóńilin kóterýde, dep jazady Qamshy.kz aqparat agenttigi.

Ánshi ártúrli baǵyttaǵy avtobýstarda án shyrqap júr. Avtobýs juldyzy óneri úshin aqsha jınaǵanyn eshkim baıqamaǵan. Bul týraly elorda ákimdiginiń medıa ortalyǵy habarlaıdy.

Basynda qalpaǵy bar, rıasyz jymıyp qana murtty azamat qalalyq marshrýttarda án salyp, jolaýshylardy tańǵaldyrýda. Onyń repertýarynda qazaq, orys tilderindegi ánder bar. Keıde avtobýs ártisi tyńdarmandarǵa án tańdaýdy usynady.

Jolaýshylar mýzykantty árqalaı qabyldaıdy: bireýler únsiz tyńdasa, keıbiri qoshemetin aıamaıdy, al biri telefonǵa túsirip qyzyqtaıdy.

Astana ákimdiginiń medıa ortalyq tilshileri qalalyq avtobýstardyń birine kirip, ánshini kezdeısoq keziktirip qalyp, jolaýshylardyń kóńil kúıin kóterip júrgen oǵan suraq qoıýǵa asyqty.

Mahambet ózi týraly kóp aıtpady. Ol ózi Shymkentten Astanaǵa shaqyrtý boıynsha kelgen. Kafede óner kórsetipti, alaıda onda oǵan nazar men qoshemet azdyq etkenin aıtady. Bul onyń qaljyńy nemese shyn sózi ekeni belgisiz.

Jolaýshylar kóligi basqarmasy ánshi ártúrli baǵyttaǵy qoǵamdyq kólikterde jolaqasyn tólep, shyn berilip ánin shyrqap júrgenin jetkizdi. Óneri úshin avtobýstarda aqsha jınap júrgeni áli baıqalmaǵan.