Búgin ÝEFA-nyń jańartylǵan reıtıńici shyqty. Jańartylǵan reıtıń boıynsha elordalyq «Astana» ujymy qazaq klýbtary arasynda tuńǵysh ret álemdegi úzdik degen júz klýbtyń qataryna qosyldy, dep habarlaıdy Qamshy.kz aqparat agenttigi vesti.kz-ke silteme jasaı otyryp. 

ÝEFA-nyń jańartylǵan reıtıńinde «Astana» 96-satyǵa jaıǵasypty. Elordalyq klýbtyń esebinde jalpy 16,925 upaı bar. Al bıylǵy jyly "Astana" 0,400 upaı jınaǵan. 

Qazirgi ýaqytta bizdiń klýb «Bordo» (Fransıa), «Vest Hem» (Anglıa), «Lıll» (Fransıa), «Shtýttgart» (Germanıa), «Partızan» (Serbıa), «Panatınaıkos» (Grekıa) sekildi Eýropadaǵy azýly klýbtardyń aldyn orap tur. 

Qazaqstandyq basqa klýbtarǵa toqtalatyn bolsaq, «Aqtóbe» 179-orynda, «Qaırat» (Almaty) - 192, «Shahter» (Qaraǵandy) - 194, «Ertis» (Pavlodar) - 265, «Ordabasy» (Shymkent) 278-oryndarda tur. 

Al ÝEFA-nyń klýbtar arasyndaǵy reıtıńin «Real» bastap tursa, madrıdtiń ekinshi komandasy «Atletıko» ekinshi orynda, «Barselona» úzdik úshtikti túıindep tur.