Djordj Klýnı men onyń jary Amalıa dúısenbi kúni Lıvanda ómir súrip jatqan 3 myńǵa jýyq sırıalyq bosqyndardyń balalaryna arnalǵan 7 mekteptiń damýyna $2,25 mln. aýdaratynyn málimdedi, dep jazady Qamshy.kz aqparat agenttigi. Bul týraly Klýnı áýleti qorynyń resmı saıtynda habarlandy.

«Biz tutas urpaqtan aırylyp qala almaımyz. Dál sol jerde dúnıege kelgenderi úshin balalardyń kinási joq. 1000-ǵa jýyq sırıalyq jastar qoǵamnan shettetilip qalýy múmkin. Al laıyqty túrde bilim alsa, ómirleri ózgeretinine senimdimin» - delingen Klýnıdiń habarlamasynda. Aıta keteıik, akterdiń jaqynda ǵana egiz balalary dúnıege kelgen.

Klýnı áýletiniń qorynan ózge ómirde ádilettilik ornatý úshin Google men HP kompanıalary da jobaǵa atsalysýǵa kiristi. Olar oqý oryndarynyń tehnologıalyq jabdyqtaryn qamtamasyz etýdi kózdeıdi. Jınalǵan jalpy qarajat $3 mln.

Jobaǵa jetekshilik etip otyrǵan Balalar qorynyń málimetine súıensek, lıvandyqtar Gollıvýd juldyzynyń nıetine joǵary baǵa berdi. Memlekettik bilim mınıstri Marvan Hamade Klýnı áýletine erekshe alǵysyn bildirdi.

Djordj Klýnı – amerıkalyq akter, rejıser, prodúcer. «Qaıdasyń, baýyrym?», «Sırıana», «Urpaqtar» fılmderinde oınaǵan róli úshin birneshe marapatqa ıe boldy.