Dúkennen shyǵyp kele jatyr em. Esik qarsy aldymda bir qazaq kelinshek 4-5 jasar balasymen sóılesip tur. - Poıdem davaı.

• Mamochka eto je 1 teńge
• Da, da.

Oı, komý ono nýjno?! Dep bir teńgeni bir tepti. Ózderi ary qaraı júre berdi. Al, teńge meniń aıaǵyma tústi. Men «toqtańyzdar, aqshalaryńyz túsip qaldy» dep aıqaı saldym. Olar kilt toqtady. Men kúlip ana kishkentaı hanshaıymǵa «oı, botaqan. Eto je tvoı dengı» dep aıttym. Ol «da, znaıý. No ono mne ne nýjen» dedi. «Ty po kazahskıı ponımaesh,» dedim. «Da, ıa kazashka. Ponımaıý,» dedi. Sosyn men kósildim. Birinshi sheshesine qarap, «men sizden keshirim suraımyn. Balańyzǵa bir dúnıe aıtaıyn dep edim, maǵan ruqsat etińizshi. Taǵy da sizden keshirim suraımyn jáne balańyzǵa balmuzdaq jeýge bolady ǵoı?» dedim. «Ol, ıá,» dedi. Men balaǵa qarap bylaı dedim. «Bul bir teńge. Bul jalǵyz bolsa ol eshkimge kerek emes. Al, eger osyǵan birneshe teńge qossań saǵan balmuzdaq alýǵa bolady. Jáne bul bir teńgede seniń, meniń, seniń mamańnyń týǵan eli-jeriniń, memleketimizdiń eldigin kórsetetin «eltańba» degen qujaty bar. Ol saǵan da, mamańa da, maǵan da, jalpy barlyq qazaqqa eń qundy dúnıe. Eger seniń atyń jazylǵan nárseni men kelip bir teýip tastaı salsam, sosyn ony barlyq adamdar taptap júrse sol, saǵan unaıdy ma?! Dep edim. Ol «joq» dedi. Kórdiń be, unamaıdy. Al endi júr, men saǵan bir teńgege kóóóp teńge qosylǵanda balmuzdaq alýǵa bolatynyn kórseteıin.» Dep dúkenge qaıta kirip ózi unatqan balmuzdaǵyn alyp, kasaǵa baryp «myna bir teńgeniń ústine qansha qosýym kerek?» dep surap aıtqan somany qosyp alyp berdim de, «kórdiń be, sen tastaǵan bir teńgege balmuzdaq aldyq. Endi eshqashan aqshany teppe, tastama. Jına. Teńge tıynnan quralady degen. Jáne de teńgede seniń týǵan otanyń Qazaqstannyń aty jazylyp, eltańbasy beınelengen. Ony óziń aıaqasty etpe, teppe. Jáne ózgege de tepkizbe. Jaraıdy ma?!» dep kúlip em, ol «jaraıdy» dedi. Osy áńgimeni úndemeı qarap turǵan mamasy (sary kelinshek) beti qyzaryp, uıalyp, «raqmet aǵa, saý bolyńyz» dedi. Men de «balańyzǵa túsindirýge, balmuzdaq alyp berýge ruqsat bergen sizge myń raqmet» dedim de óz jónimmen kete berdim.

Avtory: Erlan Rysqalı