FARS agenttiginiń málimetinshe, hanzadaǵa eshqandaı zaqym kelmedi. Al shabýyldy uıymdastyrýshy tutqyndaldy dep habarlaıdy Qamshy.kz aqparat agenttigi.

Saýd Arabıasyndaǵy taqqa talas sońǵy ýaqyttary óte qatigez túrde júrip jatyr. FARS arab elderindegi derek kózge súıenip, shabýyldy saýdıalyq hanzadalardyń biri jasaǵanyn habarlady. Uıymdastyrýshynyń esimi atalmaı otyr.

Ótken aıda «Al-Reı al-Úm» gazeti  «82 jastaǵy Salman aldaǵy 5 aıda bılikten ketedi» dep jazǵan bolatyn. Taqqa eń birinshi onyń 31 jastaǵy balasy otyrýy kerek. Desek te, buǵan deıin patshanyń inisi Muhammed ben Naıef patshanyń ornyna keledi dep kútilgen. Taqqa jańa úmitker paıda bolǵanda Ben-Naıef úı qamaqqa alyndy.

Arab elderindegi BAQ-tyń habarlaýynsha, Saýd Arabıasynyń qazirgi patshasy joldaýyn daıyndap qoıǵan. Onda óziniń ulyna bılikti tapsyratynyn habarlaýy múmkin.