Kongo elindegi sarbaz balalar jergilikti dástúrge saı óz qurbandarynyń qandaryn ishedi. Mundaı rásim arqyly jetkinshek sarbazǵa qosymsha kúsh darıdy dep senedi. Bul týraly juma kúni BUU adam quqyqtaryn qorǵaý komısıasy habarlady.

«Kamýına Nsapý» uıymynyń sarbazdary Kasaıdyń ortalyq provınsıasyna shabýyl jasaý barysynda jaýyngerler retinde 7-13 jas aralyǵyndaǵy jetkinshekterdi paıdalanady delingen baıandamada.

Magıalyq rásim kezinde sarbaz qyzdar sabannan jasalǵan beldemshelerin bir siltep alyp, qurbandarynyń qanyn ishedi.

BUU habarlaǵandaı, jergilikti turǵyndar jetkinshekterdiń atalmysh rásimge tartylǵandaryn óz kózderimen kórgen. Tipti búginde kóbisiniń boıyn úreı bılegen. «Bul nanym el arasynda keńinen taralǵan. Balalardan turatyn sarbazdardyń 1 jyldan keıin ulttyq ásker quramyna ene alatyn kúshteri bolady», – dep jazylǵan baıandamada. Baıandama Kongoda ómir súrip, qysymǵa shydamaı Angolaǵa kóship ketken turǵyndardyń áńgimesiniń jelisimen jazylǵan.

Bosqyndardyń aıtýynsha, jergilikti qaýipsizdik kúshteri shabýyldarǵa belsendi túrde aralasyp, álgindeı uıymdarǵa qoldaý kórsetedi eken, tipti bılikterin júrgizip otyrady.

Kasaı provınsıasyndaǵy daǵdarys bıliktiń jergilikti kóshbasshylardyń biri Jan-Perý Mpandıge «Kamýına Nsapý» laqap atyn berýden bas tartýynan bastalǵan.

Bul oqıǵadan soń Mpandı bılikke qarsy kúsh jınaıdy. Ol 2016 jyldyń tamyzynda óltirildi. Onyń óliminen keıin qysym kórsetý kúsheıe tústi. Katolık shirkeýi men BUU málimetterine sáıkes, 3 myńǵa jýyq adam óltirilip, 1,3 mıllıon turǵyn úılerin tastap bas saýǵalaýǵa májbúr boldy. Al 30 myńǵa jýyǵy Angolaǵa qashqan.

BUU qyzmetkerleri Kasaı provınsıasyna eń kemi 80-ge jýyq adamdardyń jerlengen ornyn anyqtaǵan.