Din isteri jáne azamattyq qoǵam mınıstrligi 2017 jylǵy 1 qyrkúıekke deıin úkimettik emes uıymdaryna arnalǵan syıaqyny berý úshin ótinimder qabyldaıdy, dep habarlaıdy Qamshy.kz aqparat agenttigi vedomstvonyń baspasóz qyzmetine silteme jasap.

Syıaqylar áleýmettik-mańyzdy jobalardy júzege asyrýda aıtarlyqtaı nátıjege qol jetkizgen úkimettik emes uıymdaryna beriledi.

Úmitkerlerdi irikteýdi quramyna syıaqyny berý baǵyttary boıynsha sarapshylar, ÚEU basshylary, qoǵam qaıratkerleri, ýákiletti organnyń, memlekettik organdardyń ókilderi enetin baıqaý komısıasy júzege asyrady.

Syıaqynyń mınımaldy mólsheri - 2000 (eki myńǵa eselengen) razmer aılyq eseptik kórsetkish (MRP) kólemi. Bir nomınasıa boıynsha syıaqy bir nemese bir ýaqytta birneshe úmitkerge berile alady, mundaı jaǵdaıda syıaqy jeńimpazdar arasynda teń mólsherde bólinedi.

Syıaqylar ÚEU-nyń ınstıtýsıonaldyq damýyna, uıymnyń jarǵylyq maqsattaryna, qyzmetkerlerdiń biliktiligin arttyrýǵa, uıymnyń materıaldyq bazasyn arttyrýǵa baǵyttalatyn bolady.

Baıqaýǵa qatysýǵa Qazaqstan Respýblıkasynyń aýmaǵynda tirkelgen barlyq úkimettik emes uıymdarǵa ruqsat etiledi.

Syıaqyny alýǵa úkimettik emes uıymdardy usynýdy úkimettik emes uıymnyń ózi, basqa úkimettik emes uıymdar men memlekettik organdar júzege asyrady.

Bir úkimettik emes uıym syıaqyny alýǵa bir nomınasıadan artyq  usyna almaıdy. Syıaqyny alýǵa bir úkimettik emes uıymdardy qatarynan úsh jyl ishinde qaıta usynýǵa jol berilmeıdi.

Syıaqylar jyl saıyn áleýmettik-mańyzdy jobalardy júzege asyrýda aıtarlyqtaı nátıjege qol jetkizgen úkimettik emes uıymdaryna on bes nomınasıa boıynsha beriledi.

Aıta keteıik, alǵashqy syıaqy kelesi baǵyttar boıynsha taǵaıyndalady: bilim berý, ǵylym, aqparat, dene shynyqtyrý jáne sport salasyndaǵy maqsattarǵa qol jetkizý; azamattardyń densaýlyǵyn saqtaý, salaýatty ómir saltyn nasıhattaý; qorshaǵan ortany qorǵaý; jastar saıasaty men balalar bastamalaryn qoldaý; demografıa problemalaryn sheshý; genderlik problemalardy sheshý jáne t.b.

Bul týraly tolyq aqparat QR Din isteri jáne azamattyq qoǵam mınıstrliginiń saıtynda tanysýǵa bolady.