Nıgerıanyń soltúsik-shyǵysynda «Boko Haram» radıkaldy uıymnyń shabýyly saldarynan 31-ge jýyq balyqshy kóz jumdy, dep jazady Qamshy.kz aqparat agenttigi. Bul týraly jergilikti Frans Pres agenttigi habarlaıdy.

Agenttiktiń málimetinshe, qarýly jaýyngerler senbi kúni Chad ózeni boıyndaǵy Dýgýrı jáne Dabar Vanzam aralyndaǵy balyqshylarǵa shabýyl jasaǵan. Balyqshylardyń biriniń aıtýynsha, shabýylshylar eki topqa bólingen.

Shabýyl áskerı bıliktiń Chad ózeninen balyq aýlaýǵa tyıym salǵannan keıin 1 apta ótken soń bolǵan. Anyqtalǵandaı, «Boko Haram» balyq aýlaýdan tapqan tabysty uıymnyń áskerı kampanıasyn qarjylandyrýǵa jumsaıdy.

Aıta keteıik, Nıgerıada «Boko Haram» atty radıkaldy ıslam toby jumys isteıdi. Uıym jaýyngerleri batystyq mentalıtetke qarsy shyǵyp, memlekette sharıǵat zańdarynyń oryndalýyn talap etedi.